Le site de partage de la langue marquisienne
Te tohua niutavavā hou mea àva atu àva mai i te èo ènana
The new site for sharing the Marquesan language

Vue de la plage Vainaho et du Fort Collet, Taiohae, Nuku Hiva. René Gillotin, 1844.

Ārea/taime >>> Ava

A mou i tēnei, u òkoìa mou avetekao e ùa me i òto mai o tītahi haamevaha tekao o te henua ènana : 1) - « I te ārea no mars… »  2) - « I te taime o te vākai ».

 

espace temps
 ponatekao , he mou ponatekao èo tahiti ; umoì ia haahana hakaùa ìa e tātou nui !

1) - Ārea

I te tapa hāmani 61 o te kāputuèo a te tuhuka èo tahiti, e ìte tātou : ārea, espace, intervalle ; couloir ; zone.

Ia haaèoìa mai ma he èo ènana, e ìò he ponatekao ava i ìteìa io te tapa hāmani 22 o te « Ponatekao tāpapaìa » a te èpikopo Le Cléac’h : , fissure, fente ; défilé, passe, passage, col ; intervalle.

U meitaì atu e peàu « I te ava (o te meàma) no Pohe… » i te kōava o « I te ārea no mars… ». Totahi atu, ua ìte meitaì tātou he mea te ponatekao ārea ma he èo ènana.

2) - Taime

I òto o te ùa o te avetekao, u haahanaìa te ponatekao taime.

I te tapa hāmani 443 o te kāputuèo a te tuhuka èo tahiti, e ìte tātou : taime, me i òto mai o te èo menike time  /taim/ : « moment, laps de temps ; (nombre de) fois ; salaire, rémunération ; intérêts (bancaires) ; dommages et intérêts ».

Ma he èo ènana, u haahanaìa to mua haaviviniìa anaè. Atii nei, ua ìte meitaì tātou he hua mea anaiho ponatekao e ùa me te ponatekao èo ènana ava. he mea te ponatekao taime ma he èo ènana.

Te mea taetae oko, e ùa hakatu tiòhi i hua ponatekao ava :

- o te ava-hora : « I te ava vākai »

- o te ava-vahi : « Te avaputa ». Atii anaiho, e koàka te haahana i te ponatekao « kōava ».

 

A pīòmi înei no te tatau i te tumu tekao ma he èo farani !

 

Patuìa e Jacques Iakopo Pelleau i te èhua 2016.
I te 08/08/2022, u haatoitoiìa te patuhei vāàna i te tau aahiìa a te Haè tuhuka èo ènana.

 

 

Plus dans cette catégorie : « Tauturu >>> Toko/pātoko Paha >>> Oti/nehe »

Comments est propulsé par CComment