Le site de partage de la langue marquisienne
Te tohua niutavavā hou mea àva atu àva mai i te èo ènana
The new site for sharing the Marquesan language

Vue de la plage Vainaho et du Fort Collet, Taiohae, Nuku Hiva. René Gillotin, 1844.

Tau pure no to mua tominika o te Ava Tetaì, èhua A (27/11/2022)

veillez donc

« A haapeipei me ia ôtou. I te ava hoì u te e maakau ôtou, e tihe mai te Tama a te ènana. »

 

TO MUA TOMINIKA O TE AVA TETAÌ

TATAUÌA O TE PEROHETA ITAIA     2, 1-5

1       Oia nei te Tekao a te Etua

        i te peroheta Itaia i ùka o Ierutaremi.

2       « Ma tītahi â, e ìteìa te mea nei :

        o te tuaivi i èià te Hiero o te Etua,

        e haatiketikeìa ma ùka o te tau tuaivi hakatahi

        me te tau pūkei ia ôtoa.

3       E hihiti io īa te tau haètoa nui.

        E titihe io īa te tau mataèinaa paotū e peàu ana :

        A pei. A hihiti tātou io te tuaivi o te Hatu,

        io te Hiero o te Etua o te ati Iakopo.

        E hakako mai Īa i to Īa makimaki.

        E tataha tātou io to Īa vaanui.

        Me i ùka o te tuaivi Tiona, ua neke te Ture a Moite.

        Me io Ierutaremi, u mevaha te Tekao a te Etua.

4       E vivini te Hatu Etua i te tau mataèinaa ia ôtoa.

        E haatoitoi te Etua i te tekao no te nuiìa o te tau ati , ati .

        E kānea âtou i te tau kohetā me he toki keì i te èpo.

        Me to âtou tau taatōua, e kānea i te kohe vavee èitā.

        Aòè hoì e tōtōua atu tōtōua mai hakaùa te tau mataèinaa.

        Aòè e hakakoìa hakaùa te hana kape.

5       A mai, e te ati Iakopo, a mai.

        A taha tātou io te māàma o te Hatu.

 

TARAMO 122 (121), 1-2,3-4b,4c-5,6-7,8-9

Ma te koakoa, a pei tātou no te tutuki atu me te Hatu.      cf.122,1

1          U koakoa au ia peàuìa mai :

        « E hiti tātou io te haè o te Hatu. »

2       I tēnei, u hakaēa to tātou tapuvae

        I mua o to òe avaputa, e Ierutaremi e.

 

3       E Ierutaremi e, pāpuahaè haatū meitaì ìa.

        Oia te pāpuahaè o te tūtahiìa.

4       Înei e hiti te tau ati o Iraene,

        Înei e kātahi mai te tau ati o te Hatu.

 

        Înei e haahuaèkaèka to Iraene,

        Me te hahi i te ikoa o to īa Hatu.

5       Ua înei te tau vivini haatoitoi i te tekao,

        Te tau hakaìki o te mataèinaa Iraene.

 

6       A pure ôtou no te haatihe i te moû io Ierutaremi.

        A peàu : « A iho te moû i ùka o to òe tau hoa.

7       A noho mau te moû i òto o to òe pāpua,

        Me te koakoa i òto o to òe haè hakaìki. »

 

8      I i to ù tau teina me to ù tau hoa,

        U peàu au : « Ia òe te moû, e Ierutaremi e. »

9      I i te haè o te Hatu, to tātou Etua,

       U haki au i to ù hīa : A meitaì ananu òe.

 

TATAUÌA O TE HĀMANI A PAURO PEÀTO I TO ROMA       13, 11-14a

        E tu ù tau tuàne tuehine.

11        Ua ìte hoì ôtou e aha te hakatu o to tātou tau â.

        Ua tihe te ava no te haakoè i te hiamoe.

        He mea mamao te tau â u aotahi tātou i te haatià.

        I tēnei, u haatata mai te ava o to tātou haapohuèìa.

12      Ua pao te . Oia nei te maùteiao.

        A haakoè tātou i te tau hana o te .

        A too i te hāìna toa,

        a nahu i te tōua io he àma e pupuà nei.

13      Me he mea a te poì e taha ana i te oatea nui,

        a kanahau to ôtou hakatu pohuè.

        Umoì te kai oko, te kona hae, te haamako,

        te hana hauhau, te keitani, te tōtōua.

14      A ìò Ietu Kirito me he hāìna tōua no tātou.



ALLELUIA ALLELUIA       cf.Ta.85,8

E te Hatu e, a hakaìte mai i to Òe hakāòha nui. A hakaìte mai i to Òe haapohuèìa.


EVANERIO O IETU KIRITO VĀÀNA E MATEO     24, 37-44

        I tēia mou , u peàu Ietu i to Īa tau kouâ pēènei :

37      E ìò te Tiheìa o te Tama a te ènana

        hakatu me te tau â o Noe.

38      I hua tau â, ma mua o te vaiā nui,

        ua kai, ua inu te tau ènana,

        ua noho te vāhana me te vehine, te vehine me te vāhana,

        tihe atu i te â ua uu Noe i òto o te Àraka.

39      Aòè te tau ènana i ìte e tihe ponihoo

        te vaiā nui te i haakaò ia âtou paotū.

        Hua mea anaiho hoì i te â e tihe mai te Tama a te ènana.

40      I tēia ava, e hana ènana tokoùa i uta, io he vahi èitā.

        E vaeìa tītahi, e avaiìa tītahi.

41      Eīa e pioi i te haraoa vehine tokoùa.

        E vaeìa tītahi, e avaiìa tītahi.

42      A matavaa ôtou, na te mea aòè ôtou e ìte

        ahea e tihe mai to ôtou Hatu.

43      A vivini meitaì ôtou.

        Me he mea ua ìte te heihaè i te hora o te pō

        e tihe mai te ènana kamo, u matavaa īa.

        Aòè īa i avai e putaèeìa te o te haè.

44      No èià, a haapeipei me ia ôtou.

        I te ava hoì u te e maakau ôtou,

        e tihe mai te Tama a te ènana.

 

Comments est propulsé par CComment