« Enā, e pahi atu au i to ù keèe ma mua o Òe, na īa e kānea i to Òe vaanui epō to Òe tihe mai. »
TOMINIKA E TOÙ O TE AVA TETAÌ
(Â tapu 11 no Mei 2022)
TOMOÌA : E.3 (Pō e ono) Mōumu : Mave, mave mai, e te Hatu e ! (bis)
|
1 |
2 |
3 |
G.8 (Â tapu)
|
1 |
2 |
3 |
Penitenia
TARAMO 146 (145) : E te Hatu e, a mai, a haapohuè mai.
Kio Vānana : O Ioane, te peroheta a te Tiketike nui,
te i tihe mai no te haapei i te vaanui o te Hatu
me te haatiàtohu i te Māàma.
Pure a te poì haatià : A matavaièi mai, e te Motua e,
(Pō e ono) i te pure ta mātou e haahiti nei. A apuu mai me te moû.
(Â tapu) E moû, moû nui to Òe hakatu, e te Motua e. Apuu mai Òe i ta mātou pure.
ÙTUNA : E.7 E Ietu, ta mātou e tiaki nei, (Pō e ono)
Me mai, mave mai !
|
1 |
2 |
E.1 (Â tapu)
|
1 |
2 |
3 |
Peàto
Haamaakauìa : Te hahi, te kāìè ia Òe ; e Ietu
(Pō e ono) Te i mate io he peka no mātou. Ua tū hakaùa, e pohuè nei Òe. E Ietu, a tihe mai, e Ietu.
(Â tapu) Te kāìè ia Òe, e te Hatu Ietu e, te i mate nui, te pohuè ; A tihe mai, e Ietu ; a tihe mai, e Ietu.
To mātou Motua e / Arenio
KŌMŌNIŌ : Mutu (Pō e ono)
(Â tapu) D.15 Mōumu : Mave mai Òe, e to ù Hatu e, E kōhoà nei te hōupo ia Òe ; Mave, mave mai. (bis)
|
2 |
3 |
|
4 Te Oà pohuè, Òe e Ietu e, / Te haakoè i te tau oke paotū.
PAHIÌA : V.12 (Pō e ono)
|
1 |
Mōumu. |
2 |
V.83 (Â tapu)
|
E Maria e, Me io òe te punaìa mai, Te kākano o te Pohuè. |
Te Hatu Ietu, te Kirito, Hakaìki nui, Tuhuka e, Te Mana nui. |
Maria, Maria, Maria e, A apuu mai. Maria, Maria, Maria e, A pure mai. |
TOMINIKA E TOÙ O TE AVA TETAÌ
TATAUÌA O TE PEROHETA ITAIA 35, 1-6a.10
1 E te henua ataha, e te henua moû, a èkaèka òe.
Enā e tāpīìa òe me te èitā.
2 A hahi, a taaàu i te koakoa, o òe, e te henua o te pakavai.
E tūtū to òe kāìè me to te tuaivi Ripano te tiketike.
E tūtū to òe tapavaù me to te Henua Tirone,
to te pūkei Karame.
3 E ìteìa te kāìè o te Etua. E puàha te māàma o te Hatu.
A heòheò te tau îima momoù, a oko te tau muò pepae.
4 A peàu i te tau ènana kuhane koè :
« Oho te ìi. Umoì e haametaù.
O Īa na to ôtou Etua.
O te Etua anaiho no te huke i te umu.
E tihe nei te Etua no te haapohuè mai. »
5 E tāhakahaka te kikomata o te matapō.
E pepeùìa te puaìka pūtuì.
6 E keepao te ènana vaekoki me he kaiū menē.
E taaàu i te koakoa te haha o te ènana mutu.
10 E hua mai i to âtou henua tumu te poì haamōèhuìa.
O te Hatu Etua to âtou haapohuè.
E tomo âtou i Ierutaremi, e taaàu ana i te koakoa.
E keàpa to âtou mata i te koakoa paona koè.
Me âtou ananu te èkaèka me te koakoa.
E koè nui te uē me te mateteka.
TARAMO 146 (145), 7,8,9ab.10a
E te Hatu e, a mai, a haapohuè mai. cf. It.35,4
7 U haavā Īa me te toitoi i te poì mākakaìa.
U vaièi Īa i te oà i te poì mate i te oke.
U vevete atu Īa i te poì me io he haèhumu.
8 O te Hatu te i haatāhakahaka i te tau matapō,
O te Hatu te i haaūo i te poì kuhane koè.
O te Hatu te i haataetae i te poì toitoi noa.
9 O te Hatu te vevaò o te tau manihii.
O te Hatu te toko o te vehine pōpī,
Me te tama motua koè, kui koè.
10 E vivini nei te Hatu ma te tau tai ananu.
TATAUÌA O TE HĀMANI A IAKOPO PEÀTO 5, 7-10
7 E tu ù tau tuàne tuehine,
e tiaki ana epō e tihe mai te Hatu,
umoì e paòpaò e kuhane koè ôtou.
A kaituto te ènana nanu. U tetaì īa e haatupu i te puku,
i te ava e hei, te tuaèpo ia haakūtaùìa e te ūa.
8 Atii me ia ôtou : a tiaki me te koekoe tohe.
U tata èka hoì te Tiheìa o te Hatu.
9 Umoì e kōhumuhumu te hoa i te hoa.
Ma èià, aòè ôtou e e hakatioìa.
Enā te haavā pii o to ôtou avaputa.
10 E tu ù tau teina e, a hana ôtou hakatu me te tau peroheta
te i haamevaha i te Tekao a te Hatu,
e tohe ana, kōhumuhumu koè e aha à te mamae
me te tau kōhii e haapaòpaò mai.
ALLELUIA ALLELUIA
cf. Rk .2,76 ; In. 1,7
O Ioane, te peroheta a te Tiketike nui, te i tihe mai no te haapei te vaanui o te Hatu me te haatiàtohu i te māàma.
EVANERIO O IETU KIRITO VĀÀNA E MATEO 11, 2-11
I tēia mou pō,
2 i òto o te haèhumu, ua òko Ioane e aha to te Kirito tau hana.
Ua pahi Ioane i nā kouâ o īa no te peàu ia Ietu, pēènei :
3 « O òe tēia e tihe mai ?
Akoè à, e tetaì nei mātou i te ènana kē ? »
4 U haahua atu Ietu ia âtou : « A hee.
A haki atu ia Ioane i te mea ua ìte, ua òko ôtou :
5 U tāhakahaka te kikomata o te poì matapō.
Ua taha te tau vaekoki, u taìtaì te poì mohoi,
u pepeùìa te puaìka o te poì pūtuì,
ua tū hakaùa, u pohuè te huaa mamate,
u hakaìteìa atu te Tekao Meitaì Hou Mai i te poì veve.
6 Mamau te ènana aòè e koè to īa haatià mēìa ia ù. »
7 E hee ana âtou, u peàu Ietu i te haètoa i te tekao o Ioane :
« Ua hee ôtou i te henua ataha no te ìte e aha ?
No te tiòhi i te kākaho haakevaììa e te metaki ?
8 Ua hee ôtou e tiòhi e aha ?
I te ènana uhiìa me te kahu kaèkaè ?
Enā hoì i òto o te haè hakaìki
te tau ènana tāpīìa me te kahu kaèkaè.
9 No te aha òa ua hee ôtou i te henua ataha ?
No te haatutuki me te peroheta ? E. Ta ù peàu ia ôtou.
No te ìte i te ènana meitaì aè i te peroheta.
10 I ùka o īa iho, u patuìa pēènei :
« Enā e pahi atu au i to ù keèe ma mua o Òe,
na īa e kānea i to Òe vaanui epō to Òe tihe mai. »
11 Ma te tiàtohu ta ù peàu ia ôtou :
I vāveka o te tau ènana i hānauìa,
aòè tītahi i tiketike atu ia Ioane Papetita.
Atià, te i iti atu io te Patirēia o te àki,
ua ìò o īa te i tiketike aè ia Ioane. »