« I tēnei pō, u hānauìa te Haapohuè. O Īa te Kirito, te Hatu. »
NO TE OÌOÌ O TE KOÌKA NOERE
TATAUÌA O TE PEROHETA ITAIA 62, 1-5
1 I uē ia Ierutaremi, aòè au e mutu.
I uē ia Tiona, aòè e mutu to ù haha,
tihe e ìteìa to īa toitoi me he pupuà o te atauà,
e keàpa to īa hakatu me he àma pūkohe i te pō.
2 E ìte te tau mataèinaa i to òe toitoi,
e ìte te tau hakaìki i to òe kāìè.
E apa te Hatu ia òe i te ikoa hou ta Īa i ìte.
3 E ìò òe me he paèkuà io te ìma o te Etua,
me he heipua kakaa io te ìma o te Hatu,
U te e vevaò hakaùa ìa òe « Tāhia titii » ;
aòè to òe henua e vevaòìa « Henua ataha ».
4 Atià, e apaìa to òe ikoa « Mākui » ;
e apaìa to òe henua « Tu ù hoa mātiri ».
Na te mea, e haataetae te Hatu ia òe.
E ìò te Hatu me he vāhana no to òe henua.
5 Me he mea e noho te māhaì me te vehine hou,
atii e noho me òe te tuhuka i hakatū ia òe.
Me he mea o te vehine mātiri hou te koakoa o ta īa vāhana,
atii e haaèka òe i to òe Hatu Etua.
TARAMO 89 (88), 20ab.21, 27-28, 29-30
E te Etua e, io Òe anaiho te Tekao e aahi atu io te pohuè paona koè.
20 E te Hatu e, òmua u peàu Òe i to Òe tau hoa,
Io he moemoeā, u hakaìte atu Òe ia âtou :
21 « U koàka ia ù te tāvini, o Tavite te ikoa.
U paù au ia īa me he kao tapu. »
27 E peàu mai īa : « O Òe tu ù Etua, tu ù Motua.
O Òe tu ù motukeâ, tu ù Haapohuè. »
28 E haaìò au ia īa he tama hāmua no ù,
Te tiketike nui o te tau hakaìki ia ôtoa.
29 I ùka o īa, e noho mau to ù kāòha, hakahae koè.
Me īa tu ù Piimau no te tau tai hakatahi.
30 E hakatū au i to īa viviniìa paona koè.
E mau to īa hakaìkiìa ma te tau tai ananu.
TATAUÌA O TE HĀMANI HANA A TE TAU ÀPOTORO 13, 16-17.22-25
16
E tū ana Pauro, u hapai i te ìma me te peàu pēènei à :
« E to Iraene atii me ôtou, e te tau ènana pakaihi i te Etua,
a hakaòko mai.
17 O te Etua o tēnei mataèinaa, te Etua o Iraene,
ua vae i to tātou tau tupuna.
U haanui aè Īa i te mataèinaa oi noho âtou i te Henua Ekipito.
Ma te mana o to Īa ìma, u haauu i vaho ia âtou.
22 I muì iho, u titii te Etua ia Tauro
me te vae ia Tavite he hakaìki no âtou.
U haameitaì te Etua ia īa e peàu ana :
« U koàka ia ù Tavite, tama a Iete,
o īa te ènana vāàna i to ù hīa, te i aotahi atu i to ù makimaki. »
23 Me i òto o to īa ati, u haatupu te Etua
ia Ietu, te Haapohuè o Iraene.
24 Òmua atu o to Īa tiheìa,
u hakaìte Ioane i te mataèinaa Iraene i te papatema
no te hāìu i te koekoe me te hopo i te mikeo.
25 I te paona o ta īa hana peroheta, u peàu Ioane :
« Aòè o au tēia ta ôtou i māmaakau pu nei.
Enā e tihe ai tītahi ma muì o au :
aòè e hei ia ù te vevete i to īa aihū. »
ALLELUIA ALLELUIA
Oìoì e hikaìa te mikeo io te aomāàma nei. Oìoì e vivini te Haapohuè i te henua.
EVANERIO O IETU KIRITO VĀÀNA E MATEO 1, 1-25
(Tatau poto 1,18-25)
1 Te hāmani matatatau o Ietu Kirito,
te tama a Tavite, te tama a Aparahamo.
2 U hānau ta Aparahamo o Itaako.
U hānau ta Itaako o Iakopo.
U hānau ta Iakopo o Iuta me to īa tau teina.
3 U hānau ta Iuta o Farete me Fara no òto o Tamara.
U hānau ta Farete o Eteroma.
U hānau ta Eteroma o Arama.
4 U hānau ta Arama o Aminatape.
U hānau ta Aminatape o Naatona.
U hānau ta Naatona o Taremone.
5 U hānau ta Taremone o Poaha no òto o Rahapa.
U hānau ta Poaha o Opete no òto o Ruta.
U hānau ta Opete o Iete.
6 U hānau ta Iete o Tavite te hakaìki.
U hānau ta Tavite o Taromona no òto o te vehine a Uria.
7 U hānau ta Taromona o Ropoama.
U hānau ta Ropoama o Apia.
U hānau ta Apia o Ata.
8 U hānau ta Ata o Iehotafa.
U hānau ta Iehotafa o Iorama.
U hānau ta Iorama o Otia.
9 U hānau ta Otia o Iotane.
U hānau ta Iotane o Akata.
U hānau ta Akata o Etekiata.
10 U hānau ta Etekiata o Manate.
U hānau ta Manate o Amona.
U hānau ta Amona o Iotia.
11 U hānau ta Iotia o Iekoniata me to īa tau teina,
i te ava o te mōèhuìa io he Henua Papironia.
12 Ma muì o te ava i te mōèhuìa io he Henua Papironia,
u hānau ta Iekoniata o Taratiere.
U hānau ta Taratiere o Toropapere.
13 U hānau ta Toropapere o Apiuta.
U hānau ta Apiuta o Eriakimi.
U hānau ta Eriakimi o Atore.
14 U hānau ta Atore o Tatoka.
U hānau ta Tatoka o Akimi.
U hānau ta Akimi o Eriuta.
15 U hānau ta Eriuta o Ereatara.
U hānau ta Ereatara o Matana.
U hānau ta Matana o Iakopo.
16 U hānau ta Iakopo o Ioteve te vāhana a Maria.
me i òto o īa i hānauìa ai o Ietu te i peàuìa te Kirito.
17 No èià e tatauìa
ònohuu ma hā tai kē me io Aparahamo tihe atu io Tavite,
ònohuu ma hā tai kē me io Tavite
tihe atu i te ava o te mōèhuìa i te Henua Papironia,
ònohuu ma hā tai kē me i te mōèhuìa i Papironia
tihe atu i te Kirito.
18 Oiana te hāmani matatatau o Ietu Kirito.
Oia nei te hānauìa o Ietu Kirito.
U tuia te kui o Ietu, o Maria to īa ikoa,
me tītahi vāhana, o Ioteve te ikoa.
Ma mua to âua nohoìa, u kōpū tama Maria
na te mana o te Kuhane Meitaì.
19 He ènana toitoi noa Ioteve, ta īa vāhana.
Aòè īa e makimaki e pōtoho pu ia Maria.
No èià, u kaituto īa e titii ia īa ma te ìte koè.
Ohia e auana atii Ioteve, ua ìte īa io he moemoeā
i te anera o te Hatu te i peàu mai :
« E Ioteve e, tama a Tavite, umoì òe e haametaù
no te apuu io to òe haè ia Maria, ta òe vehine.
U kōpū tama hoì īa na te mana o te Kuhane Meitaì.
21 E hānau īa i te tamaòa. E apa òe i to īa ikoa o Ietu.
Oia hoì ‘’ Te i haapohuè i to īa mataèinaa
me i to âtou tau mikeo ‘’ ».
22 Ua pao tēia tau mea paotū no te haatiàtohu
i te Tekao o te Hatu i peàuìa e te peroheta, pēènei :
23 « Enā e kōpū tama te virikine. E hānau īa i te tamaòa.
E apa âtou i to īa ikoa o Emanuera. »
Oia hoì ma he èo ènana « O te Etua me tātou ».
24 Ua vaa Ioteve. U aotahi īa i ta te anera o te Hatu i peàu atu
me to īa apuu i ta īa vehine io to īa haè.
25 Atià, aòè Ioteve i too ia Maria tihe atu i te hānauìa o te tama.
Ua apa Ioteve i to īa ikoa « O Ietu ».
TE KOÌKA NOERE
PURE META TŪMOE
NO TE KOÌKA NOERE I TE TŪMOE
(Pō e ono 24 no Mei 2022)
Putuputuìa io he tohua Mauia : Apuuìa o Ietu Pōìti / Matatetau (Poi Hou)
Mōumu : E Hakaìki Òe no te tau hakaìki, e Hatu no te tau hatu. Ia Òe te Māàma, te Kāìè me te Mana.
Tahaìa : Pahu/ Mave/ Pū.
(Poi Hou) Mave mai te Emanuera, Mave mai te Metia, Te Haapohuè, te Etua mana, te Hakaìki, Hakaìki o te moû (bis).
TOMOÌA : I mua o te Fātene F.6 (Tōìki)
|
1 |
Mōumu
|
2
|
|||
|
3 I pii o te Tama hou, / O ai à ta ôtou i ìte ? |
|
|
|||
F.4 (Pakiu)
|
1 |
Mōumu |
2 |
3 |
|
4 |
5 |
E te Hatu e : (Poi Hou)
TATAUÌA O TE PEROHETA ITAIA 9, 1-6 (Hoata)
TARAMO 96 (95) : I tēnei pō, ua hānau to tātou Haapohuè.
(Pakiu) O Īa te Kirito, (o Īa) te Hatu.
TATAUÌA O TE HĀMANI A PAURO PEÀTO IA TITO 2, 11-14 (Pakiu)
Alleluia : 1- Ua haki atu nei au ia ôtou i te Tekao Meitaì Hou haakoakoa : I tēnei pō, u hānauìa te Haapohuè. O Īa te Kirito, te Hatu.
Evanerio Mōumu : GLORIA IN EXCELSIS DEO (Père Émile)
Pure a te poì haatià : Ietu Emanuera i too i te hakatu veve, A oko mai ta mātou Pure. (Poi Hou)
ÙTUNA : F.8 (Hikoei)
|
1 Te kave àma, |
Mōumu |
2 |
|||
|
3 |
4 |
|
|||
Pahu / Mave / Pū (Pakiu)
Épiclèse 1 : E te Hatu e, a vaièi mai to Òe Kuhane mea haatapu i te haraoa me te ipu nei.
Haatiketikeìa : E Ietu …Kirito e, haaìòìa no mātou.
Haamaakauìa : Te kāìè ia Òe, e te Hatu e, (Poi Hou)
Te i mate nui, te pohuè ; A tihe mai, e Ietu ; a tihe mai, e Ietu.
Épiclèse 2 : E te Hatu e, a vaièi mai to Òe Kuhane etià e ìò mātou he tāvini no to Òe kāìè.
KŌMŌNIŌ : Mōumu : Ua nino, ua toto, / O Ietu te Kirito (Poi Hou)
U tiòhi, u maohi, / Te ìteìa anaè.
|
1 O te Eukaritia, |
2 Ia Eukaritia Te haraoa me te vino ; Koè nui te haraoa, Koè nui me te vino. |
3 Ia kai te ènana |
Hīmene haahuaèkaèka : F.15 (Tōìki)
|
1 Pō tapu, ua hānau mai |
A mai Òe, mave mai To mātou Haapohuè, E Ietu Emanuera Te i hānau hakatu veve I òto o te fātene vāveka o te mutō. |
PAHIÌA : F.16a (Hoata)
|
1 Te koìka e, |
Mōumu |
2
|
MAVE I TE ÙTUNA
ÈO TAA : A mave i te Haraoa
Me te vino
Me te vai ;
A mave.
HAAHUA ATU : A mave tātou,
A hahi nui
I te ùtuna hēaka.
ÈO TAA : A mave i te vaièi Etua
Hanaìa e te ènana,
Haahua atu i te Etua.
HAAHUA ATU : A mave tātou,
A hahi nui
I te ùtuna hēaka.
ÈO TAA : A mave, a haaìte i to tātou tau kōhoà
kātahi me to Ietu ùtuna.
HAAHUA ATU : A mave tātou kātahi nui
Me to Ietu ùtuna.
TATAUÌA O TE PEROHETA ITAIA 9, 1-6
1 O te mataèinaa e taha ana io te ava pōtako,
ua ìte i te tiheìa o te māàma pupuà nui.
I ùka o te poì e noho aa io he vao maù nui, u pupuà te àma.
2 Na Òe, e te Etua e, i haanui i te èkaèka :
me he koakoa o te ènana e kohi ana i te puku henua,
me he koakoa o te tau kape ia tuhaìa te tau taetae
o te poì hika ma òto o te tōua.
3 Me he mea ta Òe i haahika i te poì Matiana,
na Òe i hahati i te âkau te i òomi i te mataèinaa,
atii te âkau tā a te vivini o te poì hana.
4 Ua èhu nui i te ahi to te tau kape aihū
te i haakeuu i te papahenua,
atii me to âtou kahu pī i te toto.
5 U vaièiìa mai tītahi tama hou, e tamaòa i tukuìa mai.
O te hakatu hakaìki i ùka o to Īa pauhihi.
U apaìa to Īa ikoa : « Tuhuka mahaò. Etua mana.
Motua paona koè. Hakaìki o te moû. »
6 No èià, e nekeìa to Īa mana :
Aòè e pao te moû no Tavite me to Īa Patirēia.
E tū mau Īa i òto o te tiàtohu me te toitoi, i tēnei, atii ananu.
Oiana te hana kāòha ta te Hatu o te aomāàma i uē ia mātou.
TARAMO 96 (95), 1-2a, 2b-3, 11-12a, 12b-13a.c
I tēnei pō, ua hānau to tātou Haapohuè. O Īa te Kirito te Hatu. cf... Rk. 2,11
1 A hīmene no te Hatu i te hīmene hou.
A hīmene i te Hatu te henua vii pu.
2 A hīmene no te Hatu, a hahi i to Īa ikoa.
Ma tēia â, ma tēia â,
3 A haaòko nui i to Īa haapohuèìa,
A hano a haki atu i te tau mataèinaa,
I te tau ènana paotū to Īa tau hana mahaò.
11 A koakoa te àki i ùka nui.
A èkaèka te henua ia ôtoa.
A taaàu me te pokokina te moana.
12 A haakoìka, a keue te tau tuaivi.
A haka me te koakoa te maa tumuâkau,
I te aò o te Hatu e taha mai.
13 E tihe te Hatu no te haavā i te henua.
E toitoi, e tiàtohu to Īa haavāìa.
TATAUÌA O TE HĀMANI A PAURO PEÀTO IA TITO 2, 11-14
11
U hakaìteìa mai hoì te vaièiìa o te Etua.
Oia te tumu e koàka i te tau ènana paotū
te pohuè te io he àki.
12 Na hua karatia e hakako mai
no te titii i te mea haapākeka i te Etua,
te òomi i to tātou hīa kāìè ènana, te pohuè io te ao nei
me te koekoe atenoho, koekoe toitoi, koekoe pure hae.
13 U hakapahi hua karatia ia tātou
no te tetaì i te tetaììa haakoakoa.
Oia hoì te tiheìa me te kāìè o Ietu Kirito,
to tātou Etua tiketike me te Haapohuè.
14 U ùtunahēakaìa hoì Ietu Kirito i uē ia tātou,
mea hooi i to tātou mikeo me te haataìtaì,
etià e ìò tātou to Īa mataèinaa,
poì koekoe ūo i te hana meitaì.
ALLELUIA ALLELUIA
cf. Rk. 2,10-11
Ua haki atu nei au ia ôtou i te Tekao Meitaì Hou haakoakoa : I tēnei pō, u hānauìa te Haapohuè. O Īa te Kirito, te Hatu.
EVANERIO O IETU KIRITO VĀÀNA E RUKA 2, 1-14
1 I tēia mou pō, ua tihe te tekao me io Ketare Aukuto.
U hakapahi īa i te tau ènana o te aomāàma vii pu
no te patu i to âtou ikoa.
2 Oia te patuìa ikoa to mua,
i te ava ua tū Kirino he kuvenea o te Henua Ihiria.
3 Ua hee atu te tau ènana paotū no to âtou ikoa patu
io to âtou kākaavai me te pāpuahaè tumu.
4 O Ioteve me i Natareti o te Henua Karirea,
ua hiti i te Henua Iutea, io te pāpuahaè o Tavite,
o Petereemi te ikoa.
Ua tupu hoì Ioteve me io te ati me te huaahaè o Tavite.
5 Ua hano Ioteve i te ikoa patu me Maria ta īa vehine,
he kōpū tama ta īa.
6 Ohia i èià âua, ua tihe te ava e hānau ai Maria.
7 U hānau Maria i ta īa tama, he tama hāmua.
Ua vāhīìa me te èpa me te haamoe ia īa io he fatene,
mēìa aòè he vahi e hei no âtou io he haè apuu manihii.
8 Enā i te henua vii pu mou ènana tiaki mutō.
Ua noho âtou io he vahi èitā, e matavaa i te pō
no te tiòhi meitaì i to âtou naho mutō.
9 U haatata mai io âtou te anera o te Hatu.
U pupuà vii pu o âtou i te kāìè o te Hatu,
ua hemo âtou i te hopo nui.
10 U peàu te anera ia âtou :
« Umoì ôtou e haametaù,
na te mea u haki atu au ia ôtou
i te Tekao Meitaì Hou Mai
e haakoakoa nui i te mataèinaa ia ôtoa.
11 I tēnei pō, io te pāpuahaè o Tavite, no ôtou,
u hānauìa te Haapohuè. O Īa te Kirito, te Hatu.
12 Eīa tītahi mea hakatu no ôtou :
e koàka ia ôtou te tama hou,
vāhīìa me te èpa, e moe ana i òto o te fatene. »
13 Enā pu anamai me te anera
te nuiìa o te haètoa te io he àki, tini tini âtou,
e hahi ana i te Etua me te peàu pēènei :
14 « Te kāìè i te Etua i ùka nui.
Te moû io he henua i te ènana poì tāhia. »
TE KOÌKA NOERE
PURE META PŌPŌUÌ
TE KOÌKA NOERE / PURE META PŌPŌUÌ
(Pō e ìma 25 no Mei 2022)
Te karatia na te Hatu o Ietu Kirito, atii te haataetae na te Etua me i te haatahi na te Kuhane Meitaì ia tātou nui. - A haameitaììa te Etua, i tēnei, ananu.
TOMOÌA : F.9 (Hikoei)
|
E aha tēnei e keuu nei ? E èo kōnini Me i òto he àki ; E anera i peàu mai nei Ua hānau to tātou Hatu e. |
Te henua Iutea Petereemi, Kāìè nui te Koìka Noere, Koakoa tātou, a hahi e Ia Ietu Emanuera.
|
Maria, te kui no te Tama, Ioteve motua, Te tiaki toitoi Ia Ietu hānau hou e, Te Haapohuè ènana e. |
Apuuìa i te Tekao a te Etua (Tumu Pure) / Mave i te Tekao
|
Èo taa : A apuu Haahua atu : A apuu tātou i te Tekao Metai Hou Mai. |
Èo taa : A apuu Haahua atu : A apuu tātou i te Tekao o te Pohuè. |
Èo taa : A hakaòko Haahua atu : A hakaòko tātou i Tekao a te Etua. |
Tatauìa o te Perofeta Itaia 52, 7-10 (Pakiu)
TARAMO 98 (97) : Ua ìte te henua vii pu i te Haapohuè
(Poi Hou) ta te Etua i tuku mai.
Tatauìa o te Hāmani i to Hepereo 1, 1-6 (Pakiu)
Kio vānana : I tēnei â, u keàpa nui te Māàma o te Etua. E te tau mataèinaa e, a mai no te atoratio atu i te Hatu !
Te tīmataìa o te Evanerio o Ietu Kirito vāàna e Ioane 1, 1-18 (Tumu Pure)
Pure a te poì haatià : Me he auahi kekaa, ua hiti ta mātou pure io Òe,
(Pakiu) e te Hatu e.
|
ÙTUNA : F.5 (Pahu / Mave / Pū : Tōìki / Hoata)
|
|||||||||
|
3 E memae nei To âtou koekoe. |
4 E te tau tiaki mutō, I òto te fātene ! |
5 A hee io Ietu Me te haameitaì atu. |
|||||||
Hīmene haahuaèkaèka : A hahi i te Etua, ma to tātou taaàu koakoa. O te Hatu te tiketike nui, / ia Īa te kāìè (bis).
Peàto
|
|
To Mātou Motua e
KŌMŌNIŌ : F.2 Mōumu : GLORIA IN EXCELSIS DEO (Hoata)
|
1 |
2 |
3 |
|
4 |
5 |
Hīmene haahuaèkaèka : PRÉPAREZ LE CHEMIN (Poi Hou)
|
1 Entrons dans la nuit, En cette nuit bénie Où le salut du monde a resplendi. Entrons l’adorer, l’enfant Dieu est né ; Le verbe incarné vient nous sauver. |
Refrain/Mōumu Emmanuel, Emmanuel, Dieu se lève, parmi nous. Emmanuel, Emmanuel, Voici l’heure éternelle. |
2 Un enfant nous est né,
Un fils nous est donné.
Voici venir le Prince d’éternité.
Unissons nos voix aux anges dans la joie !
Honneur et Louange à notre Roi !
PAHIÌA : F.1 (Tōìki)
|
Mōumu : U hānau te Metia, |
1 A hahi i te tama hou |
2 I òto o te veve nui, |
|||
|
3 O Īa te Arenio / O te i hoko i te mikeo. |
|||||
TATAUÌA O TE PEROHETA ITAIA 62, 11-12
11 Oia nei te tekao ta te Hatu
e haamevaha tihe atu i te kotina o te aomāàma, pēènei :
« A peàu i te moî a Tiona :
Enā e tihe mai te Haapohuè, e kave ana me Īa
i te tau taetae o to Īa tuàkiìa ;
vii pu o Īa te tau taetae haakāìè ia Īa.
12 E apaìa ôtou i te ikoa hou pēènei :
« Mataèinaa tapu. Poì hokoìa e te Hatu. »
E apaìa òe iho :
« Vaeìa e te Hatu. Pāpuahaè titii koè. »
TARAMO 97 (96) 1.6,11-12
Enā te àma haapupuà i te ènana, ua hānau te Haapohuè.
1 O te Hatu te hakaìki nui. A koakoa te henua.
A haaèkaèka te tau motu tini, tini.
6 U haamevaha te papahenua i to Īa toitoi noa.
Ua ìte me te mahaò te tau ènana i to Īa kāìè.
11 Enā te àma haapupuà i te ènana teka koè.
Enā me te koakoa i vāvena o te poì haatià.
12 A koakoa ôtou, e te poì aotahi i te Hatu.
A haahuaèkaèka i te ikoa o te Hatu Etua.
TATAUÌA O TE HĀMANI A PAURO PEÀTO IA TITO 3, 4-7
4
Atià, u hakaìte mai te Etua, to tātou Haapohuè,
i to Īa vaièiìa me to Īa kāòha nui no te tau ènana.
5 Na Īa i haapohuè ia tātou, mēìa i to Īa hakāòha mai,
aòè no te vaièi mai i te tuki o to tātou hana meitaì
i hanaìa na tātou ta tātou anaè.
Ma te vai, u haahānau hakaùa te Etua ia tātou nei.
I òto o te Kuhane Meitaì,
u haahou Īa i to tātou hakatu pohuè.
6 Na te Etua i haaneke ma te nuiìa o hua Kuhane Meitaì
i òto o tātou, ma te ikoa o Ietu Kirito to tātou Haapohuè,
7 etià, ma to Īa karatia, e ìò tātou
he tau ènana toitoi i mua o te Etua,
no te koàka mai te pohuè paona koè ta tātou e tetaì mau nei.
ALLELUIA ALLELUIA
Rk.2,14
Te kāìè i te Etua i ùka nui. Te moû io he henua i te ènana poì tāhia
EVANERIO O IETU KIRITO VĀÀNA E RUKA 2, 15-20
15 Ohia ua pae te tau anera me to âtou hua io he àki,
u peàu atu peàu mai te tau ènana tiaki mutō,
te hoa i te hoa :
« A pau. A hihiti tātou i Petereemi no te ìtemata
i te mea i haapaoìa vāàna ta te Hatu i hakaìte mai. »
16 U titihe haakoi te tau ènana tiaki mutō.
U koàka mai ia âtou o Maria, o Ioteve
me te tama hou e moe ana i òto o te fatene.
17 Ia ìte meitaì âtou, ua haki atu i te mea
i peàuìa ia âtou i ùka o hua pōìti.
18 Ua pē i te mahaò te tau ènana paotū
te i òko i te tekao o te tau ènana tiaki mutō.
19 O Maria à, u haamau io he koekoe i tenā tau mea paotū
me te kaituto hae ia âtou.
20 Ua hua te tau ènana tiaki mutō.
U haakāìè âtou me te hahi i te Etua
no te tau mea paotū ta âtou i òko me te ìte,
vāàna i te tekao i peàuìa ia âtou.
PURE META OATEA
TATAUÌA O TE PEROHETA ITAIA 52, 7-10
7 Auē te mea kanahau,
ia tiòhi atu i te keèe e tohuti ana nei ma he tuaivi
no te hakaìte atu i te ava o te moû.
Auē, te mea kanahau
ia tiòhi atu i te keèe o te Tekao Meitaì Hou Mai,
e hakaìte aa i te Pohuè.
E tihe nei īa no te peàu i te pāpuahaè tapu :
« E hakaìki to òe Hatu Etua.
8 A òko ôtou i te èo o te poì tiaki.
Ua taki to âtou vevaòìa. E tahi taa anaè : e taaàu koakoa.
Ua ìtemata âtou i te Hatu e tihe nei i Tiona. »
9 A tātakahiti i te koakoa ôtou,
e te toeka o Ierutaremi te i vāvahiìa.
Na te mea, u haakoè te Hatu i te uē o to Īa mataèinaa.
Na Īa i haapohuè ia Ierutaremi.
10 U hakaìte mai te Hatu i te mana Etua o to Īa ìma
i te tau mataèinaa êteni paotū.
Me i tītahi kēkē tihe toitoi i tītahi kēkē o te henua,
e ìte âtou i te haapohuèìa o to tātou Etua.
TARAMO 98 (97), 1,2-3ab, 3c-4, 5-6
Ua ìte te henua vii pu i te Haapohuè ta te Etua i tuku mai. cf. .98,3
1 A hīmene i te Hatu i te hīmene hou.
U mahaò hoì to Īa tau hana.
U tuàki Īa i te mea haapākeka,
Na te mana o to Īa ìma peàto nui.
2 U hakaìte te Hatu i to Īa tuàkiìa,
U haapupuà i to Īa toitoi i mua o te poì êteni.
3 U haamaakau te Hatu i to Īa kāòha hakahae koè
I uē i te ati o Iraene, to Īa mataèinaa.
Ua ìte te henua vii pu i to te Etua tuàkiìa
4 A hahi i te Hatu, e te henua vii pu,
A hīmene, a haka, a haakoìka.
5 A haataki i te pū, a vānana i te Hatu,
A ùtu te pahu, a òko nui te Hatu Etua.
6 A òkoìa te kitā, te pū hakahau, te pūtoka.
A vānana i te Hatu, to ôtou Hakaìki.
TATAUÌA O TE HĀMANI I TO HEPEREO 1, 1-6
1 I te tai kākiu, ma io te tau peroheta,
u tekao mai te Etua ma te tau pona kē, te tau pona kē,
te tau hakatu kē, te tau hakatu kē.
2 I tēnei tau â paona o te aomāàma,
u tekao mai te Etua ma io tītahi Tama.
U haaìò te Etua i hua Tama te Hatu o te tau mēmau ia ôtoa ;
ma io Īa, u pēpenaìa te tau aomāàma.
3 O tēnei Tama, te ata tokihi i te kāìè o te Etua,
te hakatu tiàtohu èka o te Etua Motua,
e haamau ana i te aomāàma vii pu ma te mana o to Īa tekao.
Ia pao to Īa hooi i te tau mikeo,
u tānoho Īa i te ìma oko o te Etua Tiketike,
i ùka nui o te àki.
4 Ua tū Īa ma ùka aè o te tau anera paotū,
mēìa ua apaìa te ikoa òko nui atu i te ikoa o te tau anera.
5 Aòè hoì i peàu te Etua i tītahi anera :
« O Òe tu ù Tama ; i tēnei â, u haahānau au ia Òe. »
U peàu hakaùa :
« E ìò au e Motua no Īa, o Īa nei tu ù Tama. »
6 U peàu hakaùa te Etua
i te ava u pōpahi Īa i te Hāmua io te ao nei :
« A atoratio ia Īa te tau anera o te Etua paotū. »
ALLELUIA ALLELUIA
I tēnei â, u keàpa nui te Māàma o te Etua. E te tau mataèinaa e, a mai no te atoratio atu i te Hatu !
TE TĪMATAÌA O TE EVANERIO O IETU KIRITO VĀÀNA E IOANE 1, 1-18. (1, 1-5.9-14.)
1 I te tumu te Tekao. Io te Etua te Tekao.
He Etua te Tekao.
2 I te tumu anamai io te Etua te Tekao.
3 Ma io te Tekao, te tau mea paotū i pēpenaìa.
Umoì Īa, aòè he mea i pēpenaìa to te i pēpenaìa.
4 I òto o te Tekao te Pohuè.
He Māàma no te tau ènana te Pohuè.
5 U pupuà te Māàma io he pōtako,
u haapākeka koè ta te pōtako i te Māàma.
6 Ua ìteìa te ènana ta te Etua i pōpahi mai.
O Ioane to īa ikoa.
7 Ua tihe īa no te haatiàtohu i te Māàma,
etià e haatià te tau ènana paotū.
8 Aòè o īa te Māàma. U haatiàtohu īa i te Māàma.
9 Enā te Māàma tiàtohu mea tūìka i te tau ènana paotū,
te i tihe mai i te ao nei.
10 Io te aomāàma te Tekao, na Īa i pēpena i te aomāàma :
aòè to te ao nei i ìte ia Īa.
11 Ua tihe mai io to Īa Toitoi. Aòè to Īa i apuu mai.
12 I te poì hakatahi i apuu ia Īa,
ua tuku atu Īa i te mana no te haaìò he tau tama a te Etua.
Oia te poì i haatià ia Īa.
13 O te poì koè na te toto,
koè na te makimaki nino, koè na te makimaki ènana,
atià à, na te makimaki o te Etua i hānauìa ai.
14 U haaènanaìa te Tekao me to Īa noho i vāveka o tātou.
Ua ìte tātou i to Īa Kāìè,
he Kāìè ta te Motua i vaièi atu i ta Īa Tama tootahi,
pī i te karatia me te tiàtohu.
15 U haatiàtohu Ioane ia Īa, e taaàu aa pēènei :
« O īa nei te ènana ta ù i peàu atu :
u meitaì aè ia ù te i tihe ai ma muì o au.
Na te mea òmua atu Īa, epō au nei.
16 Me io to Īa Meitaì nui, u koàka mai ia tātou kōtoa te taetae,
te tau karatia ma hope o te karatia.
17 Ma io Moite, ua tuku mai te Etua i te Ture.
Ma io Ietu Kirito, ua tihe mai te Karatia me te Tiàtohu.
18 Aòè te ènana e tahi i ìte i te Etua.
Na te Tama tootahi, he Etua anaiho Īa, pii me te Motua,
u hakaìteìa mai te Etua. »