Le site de partage de la langue marquisienne
Te tohua niutavavā hou mea àva atu àva mai i te èo ènana
The new site for sharing the Marquesan language

Vue de la plage Vainaho et du Fort Collet, Taiohae, Nuku Hiva. René Gillotin, 1844.

Tau pure no te Koìka Epifania, èhua A (08/01/2023)

epiphanie1

« Ua tihe mātou no te moe haatona i to Īa . »

 

TE KOÌKA EPIFANIA

(Â tapu 8 no Èhua 2023)

 

TOMOÌA : UN ENFANT NOUS EST NÉ

 

Dans la nuit sereine,

Une étoile brillait sur Bethléem ;

Dans une étable obscure,

Sous un Ciel étoilé,

Un enfant nous est né,

Nous est donné. C’EST NOËL.

Le Prince de la Paix

Nous est offert ce jour ;

Nous avons un Roi, (Hommes) un Roi,

C’est Jésus, (Hommes) Jésus.

C’est NOËL en ce monde,

Jésus invite aussi,

Toutes les familles,

(Hommes) Familles,

À l’adorer (…dorer)

C’est NOËL (Hommes), C’est NOËL,

C’est NOËL (Hommes), C’est NOËL,

Adorons le Seigneur.

 

Penitenia

 

TARAMO 72 (71) : E ìteìa to Òe haapohuè mai, e te Hatu e, e te tau henua me te tau mataèinaa paotū.

 

Kio Vānana : Ua ìte mātou i to Īa hetū.

                        Ua tihe mātou no te atoratio i te Hatu.

 

Pure a te poì haatià : Je n’ai ni or ni encens ni myrrhe à T’offrir,

Je n’ai que ma prière du fond de mon Cœur.

Seigneur, écoute-là, Seigneur, exauce-la.

 

ÙTUNA :     F.5

                    1
Ua mutu te àki me te henua,
Ua ìò te Tekao mea ènana.

                      Mōumu
E ìò nei o Īa he tama iti,
Te Haapohuè me te Tāvini.

             2
I te tūmoe nui, u hānau mai nei
Ietu, te Māàma nui no te ao nei.

                 3
Taioko te poì e memae nei
Te i haapāpaku to âtou koekoe.

                        4
A hee mai, e te tau tiaki mutō
Me te koakoa i òto te fātene !

                        5
Atii me tātou, a hee io Ietu
Atoratio me te haameitaì atu.

 

Épiclèse 1 : E te Hatu e, a vaièi mai to Òe Kuhane

                     mea haatapu i te haraoa me te ipu nei.

         

Haatiketikeìa : E Ietu …Kirito e, haaìòìa no mātou.

 

Haamaakauìa : Te hahi, te kāìè ia Òe ; e Ietu 

                            te i mate io he peka no mātou.

                           Ua hakaùa, e pohuè nei Òe ;

                            E Ietu, a tihe mai, e Ietu.

 

Épiclèse 2 :   E te Hatu e, a vaièi mai to Òe Kuhane etià e ìò mātou he tāvini no to Òe kāìè.

 

Bénédiction des enfants : Les enfants se placeront devant l’Autel avant de chanter le « Notre Père » ; puis ils se mettront devant les marches pour recevoir la Bénédiction).

 

Refrain : Bénissez le Seigneur, vous tous, serviteurs du Seigneur

                Qui demeurez dans la maison de Dieu

                Durant les heures de la nuit.

                Levez les mains vers Lui et bénissez votre Dieu.

                Que le Seigneur soit béni de Sion, Lui qui fit le ciel et la terre.

 

KŌMŌNIŌ :   (Èo taaMave mai,

                          (Paotū)  Te pohuè

                          (Èo taa)  Me io he àki.

                          (PaotūMave mai, mave mai.

        Mōumu : O te Eukaritia, te pou pātoko

                         O to tātou haatià.    (bis)

                         Mave mai (Vāhana) te pohuè.

                         Me io he àki (Vāhana), mave mai. (bis)

                        Paotū : Mave mai i òto o to mātou tau hōupo, mave mai !

 

              1

E Ietu e, u haaìte Òe

To Òe Kāòha

Ma te ùtuna to Òe nino,

Ia ìò e Kuhane no mātou.

            2

Haaūo ia mātou

Te taha io ta Òe tapukai.

Mamau te tau ènana

I keèeìa no te mau o te Arenio.

 

 

Hīmene haahuaèkaèka : RELEVER LE FAIBLE

             1 

Au-delà des Océans,

Tu es venu me chercher.

Au-delà de mes tourments,

Ton Amour a triomphé.

Montre-moi la splendeur et la beauté

Qu’il y a à t’obéir de tout cœur,

À se confier à ta voix.

                Refrain 

Tu viens relever le faible,

Tu le prends dans Tes bras ;

Tu le conduis vers Ton père

Qui le console ici-bas.

Entends le cri de ma prière,

Sois mon secours et ma joie.

Passé de l’ombre à Ta lumière,

J’ai mis mon espoir en Toi.

 

2 Puisque ma vie passera / En Toi, je veux demeurer.

   Puisque Tu triompheras / Mon Cœur en Toi veut s’ancrer.

   Montre-moi la splendeur et la beauté qu’il y a

   À t’obéir de tout cœur, à se confier à Ta voix.

 

 

PAHIÌA : L’ÉTOILE EST NÉE

En une nuit si douce, NOËL,

C’est pour toi, NOËL,

Sur la Terre,

Un sauveur nous est né.

La Paix, pour Toi, c’est NOËL.

L’Etoile est née (bis)

L’Etoile est là (bis)

Vive NOËL, NOËL, NOËL.

Oui NOËL, NOËL

Oui NOËL, NOËL, NOËL,

NOËL, NOËL.

 

 

TE KOÌKA EPIFANIA

TATAUÌA O TE HĀMANI O TE PEROHETA ITAIA    60, 1-6

1       A maô, e Ierutaremi e. A pupuà.

        Ua tihe mai te àma no te haakeàpa ia òe.

        Ua vāhī te kāìè o te Etua ia òe.

2       A tiòhi atu. Ua pōtako te henua vii pu.

        Io te vao maù nui, ua noho te tau mataèinaa.

        Atià, ua te Hatu. E pupuà nei to Īa kāìè i ùka o òe.

3       E haatata mai te tau mataèinaa io to òe māàma.

        E tataha mai te tau hakaìki io to òe atauà.

4       A heau. A tiòhi matiòka vii pu o òe.

        E hakātahi mai âtou nui. E titihe nei âtou paotū.

        Ua tihe mai nei ta òe tau tama me i te henua mamao.

        Ua hua mai ta òe tau moî, e tautuaìa âtou.

5       I hua ava e ìte òe, e èkaèka nui òe.

        E ù to òe koekoe i te koakoa.

        E tihe ai io òe te tau taetae me i te henua mamao.

        E haapukeìa io òe te tau hāìna

        me io te tau mataèinaa o te aomāàma vii pu.

6       E hihiti mai io òe te tau naho kamerō

        o te Henua Matiana me te Henua Efa.

        E titihe mai io òe te poì Hapa kave aa i ta âtou

        monikiki me te mēmau kakaa.

        E hahi âtou me te haakāìè i te Hatu Etua.

 

TARAMO 72 (71), 1-2, 7-8, 10ab.11, 12-13

 E ìteìa to Òe haapohuè mai, e te Hatu e, e te tau henua me te tau mataèinaa paotū.      cf.  72,11

 

 

1       E te Etua e, a tuku i to Òe mana i te hakaìki.

        A tuku i to Òe toitoi i te tama o te hakaìki.

2       A vivini īa i to Òe mataèinaa vāàna i te toitoi.

        A apuu īa me te toko i te poì veve e uēuē ana.

 

7       I hua tau â, e pupuà te hakatu pohuè vāàna i te toitoi,

        I te henua, e puàha te moû ma te nuiìa o te tau meàma.

8       A vivini te hakaìki me io te tai tihe atu i te tai,

        Me io te kaavai tihe atu i te kotina o te henua.

 

10      Te hakaìki o te Henua Tarati, o te tau motu

        E kave mai i te vaetukia me te taetae kāòha.

11      E moe haatona i mua o īa paotū te tau hakaìki.

        E tāvini no īa te tau henua me te tau mataèinaa.

 

12      E haapohuè īa i te ènana veve e vevaò ia īa,

        E toko īa i te poì òomiìa e te àì.

13      E apuu īa i te ènana pōtako, mātua avai noa.

        E tiòhi meitaì īa i ùka o te poì tupe noa.

 

TATAUÌA O TE HĀMANI A PAURO PEÀTO I TO EFETIA

                                                                                          3, 2-3a.5-6

        E tu ù tau tuàne tuehine,

2       Ua òko hoì ôtou pēhea, mēìa i to Īa vaièi,

        ua tuku mai te Etua i te karatia no te hana i ia ôtou.

3       Ma òto o te hakiìa me io te Kuhane Meitaì,

        u hakaìte mai te Etua i to Īa makimaki hakanā.

5      I te tau tai tehito, aòè te tau ènana i ìte i hua makimaki hakanā.

        Atià i tēnei, ua hakiìa atu e te Kuhane Meitaì

        i te tau Àpotoro o te Etua me te tau peroheta, pēènei :

6       U koàka mai i te tau êteni te tau taetae kuhane,

        peàuìa òmua, hua mea anaiho me to te tau ati Iuta.

        O âtou nui me he tau hope o te Tino e tahi.

        Ia âtou, te poì êteni tūtaì me te tau ati Iuta,

        te taetae vaièiìa i òto o te Kirito Ietu.

        Oia hoì te tau puku o te Evanerio.

 

ALLELUIA ALLELUIA

                                                                                     cf. Mt.2,2

Ua ìte mātou i to Īa hetū. Ua tihe mātou no te atoratio i te Hatu.

 

EVANERIO O IETU KIRITO VĀÀNA E MATEO     2, 1-12

1       U hānauìa Ietu i te kaavai Petereemi o te Henua Iutea,

        i te ava o Herote te hakaìki o hua henua.

        I hua mou â, u titihe mai i Ierutaremi te mou Mākoi

        me io te henua o te kēkē tiheìa òumati.

2       U peàu âtou :

     « I hea te hakaìki nui o te tau ati Iuta

        te i hānau i tēnei tau ?

        Ua ìte hoì mātou i to Īa hetū

        io te henua o te kēkē tiheìa òumati.

        Ua tihe mātou no te moe haatona i to Īa . »

3       Ia òko te hakaìki Herote i hua tekao, u emièe īa,

        atii me to Ierutaremi ia ôtoa.

4       U haaputuputu mai īa i te tau Tāuà nui paotū

        me te tau tuhuka tekao o te mataèinaa.

        Ua ūi atu Herote ia âtou :

        « I te vahi hea e hānau ai te Kirito ? »

5       U peàu âtou ia īa :

        « I Petereemi io te Henua Iutea,

        vāàna i te mea i patuìa e te peroheta :

6       « O òe, e Petereemi o te Henua Iutea e,

        aòè hoì òe he kaavai iti noa i te Henua Iutea !

        Na te mea me io òe e ai te hakaìki,

        te Tiaki Meitaì o Iraene, to ù mataèinaa. »

7       Ma te tekao hakanā, u vevaò mai Herote i te tau Mākoi

        me to īa ape ia âtou no te haavivini toitoi mai

         inehea i pupuà ai te hetū.

8       U pōpahi Herote ia âtou i Petereemi.

        U peàu ia âtou pēènei : « A hee atu ôtou.

        A ùmihi mamate i te tekao i ùka o hua tama hou.

        Me koàka ia ôtou te tekao, a haki mai ponihoo,

        etià e hee me au e pakaihi ia Īa. »

9       U aotahi âtou i te hakaìki me to âtou tataha atu.

        Enā te hetū ta te tau Mākoi i ìte òmua io te henua

        o te kēkē tiheìa òumati, u pupuà i mua o âtou

        tihe atu ua tau io te vahi i èià te tama hou.

10      E ìte ana i te hetū, u koakoa nui te tau Mākoi.

11      Ua uu âtou i òto o te haè me to âtou ìte

        i te tama hou me Maria, to Īa òna kui.

        U momoe haatona âtou i to Īa .

        E too ana i ta âtou taetae, u ùtuna i te vaetukia :

        te monikiki, te èpau kakaa, te mira.

12      Ma òto o te hiamoe, u hakaìteìa i te tau Mākoi

        umoì âtou e hua io te hakaìki Herote.

        Ua hua hoì âtou i to âtou henua ma he vaanui .

 

Comments est propulsé par CComment