Le site de partage de la langue marquisienne
Te tohua niutavavā hou mea àva atu àva mai i te èo ènana
The new site for sharing the Marquesan language

Vue de la plage Vainaho et du Fort Collet, Taiohae, Nuku Hiva. René Gillotin, 1844.

Tau pure no te tominika ònohuu ma tahi o te Ava ma te Èhua, èhua B (16/06/2024)

« He kākano hunahuna ti te kākano terepota. Ia tūtūìa io he èpo, e tupu aè, tupu aè, e ìò te òa atu i tahipito tau èitā nanuìa. » « He kākano hunahuna ti te kākano terepota. Ia tūtūìa io he èpo, e tupu aè, tupu aè, e ìò te òa atu i tahipito tau èitā nanuìa. »

TOMINIKA ÒNOHUU MA TAHI

 (Â tapu 16 no Tūhua 2024)

 

TOMOÌA : A.23

                1
To mātou Motua,
To mātou Pēpena,
Motua i te kāìè,
Motua i te kāòha,
Ia mātou, poì mikeo

       Mōumu

He moû, he kāòha
To hakatu, e te Hatu.
U haataetae ia mātou.
He moû, he kāòha ananu.

               2
E Ietu Pohuè,
To mātou Hatu e,
Etua Haapohuè,
Etua i te kāòha,
No Òe mātou paotū.

 

TARAMO 92 (91) : E te Hatu e, u hei nui te hīmene hahi i to Òe ikoa.

 

Kio Vānana : Ua tūtū te Kirito i te kākāno o te Tekao Meitaì Hou Mai.

                        Mamau te ènana e apuu i hua tekao, e hua īa i te puku.

 

Pure a te poì haatià : Mēìa i to Òe kāòha, e te Hatu e,

     e ono                    a apuu mai Òe i ta mātou nei pure no te aomāàma.

                                     E te Hatu e Ietu e

To mātou haapohuè,

E pure kātahi nei mātou io Òe.

            

ÙTUNA :   B.5       ( e ono)

          1
E aha ta ù e tuku atu
I te Hatu, to ù Pēpena ?
Oia anaiho o tu ù hōupo
Me tu ù pohuè.

         2
Ia ao mai Òe, e te Hatu,
I tēnei vaetukia.
A too mai Òe i to ù kōhoà
I te kāòha ia Òe.

           3
To Òe nino, to Òe toto,
E mea taìtaì to Òe mata
Ta mātou e haamaakau
Ma òto o te ùtuna.

 

B.6

          1
A tuku i te Hatu
To tātou ùtuna
 Me te haameitaì atu
 Ia Īa aneiho
 Te hakatu vaièi
 Me to Īa meitaì.

           2
A too te hakatu
Ta Ietu i tuku mai.
A hahi i te Motua,
To tātou Pēpena.
Kātahi tātou nui
No te hee me Ietu.

            3
E Ietu Kirito e,
U haatià mātou
He Etua tiàtohu,
He Etua mana Òe.
E ūtaì mātou
Ma muì o Òe.

 

Haamaakauìa :  Te kāìè ia Òe, e te Hatu Ietu e, te i mate nui, te pohuè ;

                            A tihe mai, e Ietu ; a tihe mai, e Ietu.

 

KŌMŌNIŌ : D.26    Mōumu : U apuu Ietu i te tau ènana paotū.

                                                    Hakatu , hakatu ,

                                                    Hakatu , hakatu kē.

                     1
O te koekoe toitoi,
O to mua puku o te Māàma.
Me io te Etua mai
Te koekoe vaièi i te moû.

 

              2
O te koekoe pakaihi
Te hoa i te hoa i mua o te Etua.
Me io te Etua mai
Te koekoe pakaihi i te hoa.

 

                3
O te koekoe tāvini
I te tau ènana i òto te veve.
Me io te Etua mai
Te koekoe tāvini i te veve.

                   4

O te koekoe apuu
I te nino me te toto o Ietu Kirito.
Me io te Etua mai
Te koekoe apuu i te Àrenio.

 

 

Hīmene haahuaèkaèka : D.12

Auē te kōhoà,

O Òe e Ietu,

I to ù koekoe

Mea haè no Òe.

Ua ihi Òe, e Ietu,

Io he puho tapu,

Tetaì ana i to ù kaiape atu,

Mau ana i te kai mau.

O te i kai i to ù nino,

O te i inu i to ù toto

E pohuè mau ananu.

 

PAHIÌA : V.15    Ave, Ave (bis), Ave Maria. ( e ono)

                1
E hahi mātou ia Òe, e Maria e,
No to Òe kāòha ia mātou nei,
Ta Òe tau tama nei.

                    2
A tuku Òe ia mātou nei i ta Òe tama ;
A peàu atu i te kāòha
O to mātou hōupo.

 

T.3

                     Mōumu

A tetaha atu, alleluia, ma te ao nei kōtoa,

Ma io te poì, alleluia,

A hakako ia âtou, alleluia.

                    1
A hīmene no te Hatu te hīmene hou !
A hīmene no te Hatu te henua vii pu !
A haakakai i to Īa kāìè io te poì
I ta Īa hana mahaò no te haètoa.

----------------------------------------------------------------------------------------------

 

TOMINIKA ÒNOHUU MA TAHI O TE AVA MA TE ÈHUA

TATAUÌA O TE PEROHETA EHEKIERE      17, 22-24

22      Oia nei te Tekao a te Hatu Etua.

        « Me io te hiku o te tumuâkau tiketike,

        e hahati au i te makamaka poto.

        E nanu au me to ù îìma i hua makamaka âkau

        ma ùka te kapua o te tuaivi tiketike.

        E nanu au nei ia īa

        ma ùka o te tuaivi tiketike o te Henua Iraene.

23      E tupu, e hua i te puku, e ìò he tumuâkau kaùoo.

        I òto o īa, e kānea te tau manu paotū i to âtou kōhata.

        Ma àò o īa, he ava maù no te nuiìa

        o te tau manu hakatu kē, hakatu kē.

24      E ìte te tau tumuâkau paotū o au nei te Hatu.

        E haatopa au i te tau tumuâkau tiketike

        me te hakatū i te tumuâkau moe aa i ùka o te tuaèpo.

        E haamoô au i te èitā òutītee me te haakutaù i te èitā moô. »

 

TARAMO 92 (91) 2-3, 13-14, 15-16

 E te Hatu e, u hei nui te hīmene hahi i to Òe ikoa.       cf.92,2

 

2       U hei nui te haahuaèkaèka i te Hatu,

        Te hīmene hahi i to Òe ikoa, e te Etua tiketike.

3       I te pōpōuì, e haamevaha i te òko o to Òe kāòha,

        I te ahiahi te haatiàtohu i to Òe vaièiìa.

 

13      E tupu te ènana toitoi me he tumuâkau èhi

        E hohoà ana i to īa tau makamaka,

14      Hakatu me te âkau o te tuaivi Ripano,

        Nanuìa io te pāpua tapu o to tātou Etua.

 

15      E hua īa i te puku tihe to īa kooūa ,

        Pī i te èpau hakatu me to te nino hou,

16      No te haamevaha i te tekao : « U toitoi te Hatu.

        Aòè e hakahae te Etua, to ù motukeâ. »

 

TATAUÌA O TE HĀMANI E ÙA A PAURO PEÀTO I TO KORINETIA      5, 6-10

        E tu ù tau tuàne tuehine.

6       Oia te tumu ua ūo ananu to tātou tetaììa,

        e aha à to tātou noho io he nino,

        hakatu me he manihii e noho aa i te henua mamao

        me io te haè o te Hatu.

7       E pohuè ana i te ao nei, ua taha tātou i òto o te haatià,

        ìtemata koè ia Ietu.

        No èià, ua ūo to tātou haatià, e kōhoà nei te haapaekē

        me io te haè o to tātou nino, no te noho io te haè o te Hatu.

9       E tahi anaiho hīa o tātou : te haaèka i te Etua,

        e aha à e noho tātou i te ao nei, akoè à io te haè o te Hatu.

10      Ma tītahi â hoì, e tātou paotū i mua o te Kirito

        no te haatoitoi i te tekao.

        A tahi a tuhaìa i tītahi to īa tuki, i tītahi to īa tuki,

        vāàna i ta īa hana i te ava o to īa noho i òto o te nino,

        hana meitaì, akoè à hana .

 

ALLELUIA ALLELUIA

                                                                                          cf. Mt.13,4.23

Ua tūtū te Kirito i te kākano o te Tekao Meitaì Hou Mai.
Mamau te ènana e apuu i hua tekao, e hua īa i te puku.

 

EVANERIO O IETU KIRITO VĀÀNA E MAREKO     4, 26-34

        I tēia mou pō, u peàu Ietu i te haètoa :

26      « U hakatu te Patirēia o te Etua

        me te ènana te i tūtū i te kākano io he èpo.

27      Me hiamoe īa, me vaa īa, â te pō,

        ua hua te kākano, ua tupu .

        Pēhea te koàka ? Aòè īa i ìte.

28      E haatupu hoì te èpo i to īa puku na īa ta īa :

        òmua ìka te tumu o te èitā, i muì iho te kāhui,

        i muì mai te haraoa te i haapī i te kāhui.

29      Ia paa te puku, e kokoti te ènana i te èitā haraoa,

        na te mea ua tihe te ava kohi i te puku. »

30      U peàu Ietu : « E aha te hakatu o te Patirēia o te Etua ?

        Ma te tekao haapupuà hea ta mātou e hakaìte atu ?

31      U hakatu me te kākano terepota.

        Ia tūtūìa io he èpo, he kākano hunahuna ti.

        He kākano iti atu i te tau kākano paotū io he henua.

32      Ia tūtūìa, e tupu , tupu , e ìò te òa atu

        i tahipito tau èitā nanuìa. U òoa to īa tau makamaka.

        I to īa vahi maù, e kōhiihii te tau manu i to âtou kōhata.

33      Ma te nuiìa o te tekao haapupuà hakatu me tēia,

        u hakako Ietu i te haètoa, vāàna e koàka ia âtou te vivini.

34      Aòè Ietu i hakako i te haètoa ma he tekao haapupuà koè.

        Ia paekē âtou me io te haètoa, u haavivini Ietu

        i te tiàtohu o te tekao haapupuà i to Īa tau kouâ.

 

 

Comments est propulsé par CComment