Imprimer cette page

Te tau nūmera no tēnei tai hou

nombres3

Òmua naoti, e tatau nei te ènana kākiu ma he tekau me te touhā ; ia nui oko te mēmau me te ènana, aòè i koàka ai te tatau, i peàuìa ai tini tini tini mea.

I te tiheìa mai o te tau hāoè înei, he tau poì menike akoè à peketane âtou. Me i òto mai o to âtou èo te mou ponatekao moni/money, hānere/hundred me tautini (u pēpenaìa hua ponatekao me i òto mai o mou pona tekao ènana, o tau me tini te hakaìte nei i te nuiìa o te mēmau me te ènana e tekao ana ìa). mou ponatekao e ùa, o mirioni me miriā, me i òto mai o ponatekao farani o million me milliard.

Tihe i tēnei, koàka i te tau poì ànamotua te tatau e haahana ana ia hānere me tautini. Ia peàu atu òe i te èhua o to âtou hānauìa, u haahua âtou ma he èo farani. Atii me te moni utu io he tau haèhoko ; i èià u òkoìa hae : « Deux mille trois cent dix francs » io te kōava o « e ùa tautini e toù hānere me te ònohuu farane/vaihū ».

Na òe i tēnei :

- 1774 : tautini e hitu hānere et hitu ònohuu ma .

- 1946 : tautini e iva hānere e ònohuu ma ono.

- 2001 : e ùa tautini ma tahi.

- 2019 : e ùa tautini me te ònohuu ma iva.

Tāpapaìa nūmera :

0 he mea

10 ònohuu

20 tekau

30 e toù ònohuu

1 e tahi

11 ònohuu ma tahi

21 tekau ma tahi

31 e toù ònohuu ma tahi

2 e ùa

12 ònohuu ma ùa

22 tekau ma ùa

32 e toù ònohuu ma ùa

3 e toù

13 ònohuu ma toù

23 tekau ma toù

….

4 e

14 ònohuu ma hā

24 tekau ma hā

 

5 e ìma

15 ònohuu ma ìma

….

 

6 e ono

16 ònohuu ma ono

   

7 e hitu

   

8 e vaù

     

9 e iva

     

40 e hā ònohuu…        50 e ìma ònohuu…       60 e ono ònohuu…

41…ma tahi                 51…ma tahi                 61…ma tahi…….

70 e hitu ònohuu        80 e vaù ònohuu         90 e iva ònohuu

100 hānere                 273 e ùa hānere e hitu ònohuu ma toù

1 000 tautini,

1 000 000 mirioni, e tahi mirioni

1 000 000 000 miriā, e tahi miriā


Tau haamaàmaìa atu :

1) - he mea te ponahumu « i » ia te nūmera ma hope o te haahana : « Ua ìte au e ùa peto ».

2) - Me he meakoàka te tatau o te mēmau me te ènana, i haahanaìa ai te ponatekao tini io te kōava o te nūmera : « U tihe mai tini tini tini ènana i te koìka ».

3) - Aê he mea te « e » ma mua o ònohuu, tekau, hānere, tautini, mirioni me miriā. Ia te « aê he mea » ma mua o te nūmera ònohuu paoìa, e tukuìa ai ia « me te » ma mua : « 2011 : e ùa tautini me te ònohuu ma tahi ».

4) - Te heiìa, enā te tuipona « ma » i vāveka o te tau nūmera ònohuu me te tau nūmera e tahi. Ia koè te tau nūmera ònohuu me te hānere, e tukuìa te « e » i mua o te nūmera e tahi : « 2008 : te èhua e ùa tautini e vaù ».

 

Patuìa e Jacques Iakopo Pelleau i te èhua 2016.
U haatoitoiìa te patuhei vāàna i te tau aahiìa a te Haè tuhuka èo ènana i te 21/08/2022.

 

Comments est propulsé par CComment