Le site de partage de la langue marquisienne
Te tohua niutavavā hou mea àva atu àva mai i te èo ènana
The new site for sharing the Marquesan language

Vue de la plage Vainaho et du Fort Collet, Taiohae, Nuku Hiva. René Gillotin, 1844.

TAUI >>> KĒHUÌ

Me i te èhua 2004 tihe i te â nei, u òko hae ìa te ponatekao èo tahiti « taui » ma he èo ènana.

                                                                                                    changement2

I òto o te kāputuèo a te Tuhuka èo tahiti, e ìte tātou i te mou haaviviniìa me « prix, achat, taux de change, compensation financière », akoè à « échanger, changer ».

I òto o te kāputuèo a te èpikopo Dordillon, e ìte tātou e ùa ponatekao èo ènana, o « bouleversement » me « renversement » te haaviviniìa.

1) - Te ponatekaoaka « huì ».

*- O « rejet, rejeton, repousse » te haaviviniìa tumu me he mea i òto o « te huì mei » ; e hua mea ananu me « huìtaa ».

*- Tītahi haaviviniìa atu : « renverser, faire tourner, rouler à l’envers, opérer un changement ; décharger une marchandise ». E ìte tātou i hua hakatu i òto o te âkakai « Nika » patuìa e te mou tuhuka èo ènana : « (U) huì ake Tiha i mata i ùka ». (« Âkakai », tapa hāmani 5).

*- Mea haanui i te ìi o « huì », u haapohoìa me te ponatekao «  », i ìò ai o « huìkē » : « Mea huìkē tenā hana ! ».

*- Ia i mua te vaemua « haa/haka », ua ìò ia « haahuìkē/hakahuìkē » te haaviviniìa o « changer, altérer, modifier ». « U haahuìkēìa Ietu i mua o âtou (Petero me Iakopo me Ioane) », Mareko 9,3.

*- E ìte atii tātou i te haaviviniìa i òto o te avetekao ma hope mai : « Te tau ènana haahuìkē i te moni », Ioane 2, 14.

2) - Te ponatekao « hāìu/fāìu ».

Ua ìteìa t omua haaviviniìa ma òto o te avetekao ma hope mai : « E hāìu ana Ietu, ua ìte ia âua », Ioane 1, 38.

U koàka ia tātou te ùa o te haaviviniìa ma òto o te tekao a Mareko Peato 1, 15 : « A hāìu i te koekoe ! ».

3) - KĒHUÌ : te ponatekao hou mea tūiava i « TAUI »

Mea òa te kaitutoìa o te tau tuhuka èo ènana no te tūiava i te tau ponatekao me i vaho mai ma te ponatekao èo ènana hei pao. I te meàma Èhua o 2021, u pēpena âtou i te ponaèo « KĒHUÌ » mea tūiava i te ponaèo tahiti « TAUI ».

I tēnei, e koàka ia tātou te peàu :

*- E kēhuì i te kahu, te huira, te tāpapaìa, enā atu ai


E òna hoa e, na tātou e hāìu i to tātou koekoe pepee i tēnei ; a titii tātou i te nuiìa o te ponatekao me i vaho mai, a haakāìè ananu i te èo ènana !

 

Patuìa e Jacques Iakopo Pelleau
U haatoitoiìa te patuhei vāàna i te tau aahiìa a te Haè tuhuka èo ènana i te 21/08/2022.


A PĪÒMI ÎNEI NO TE TATAU I TE HĀTIKA TEKAO MA HE ÈO FARANI… !

 

Comments est propulsé par CComment