Le site de partage de la langue marquisienne
Te tohua niutavavā hou mea àva atu àva mai i te èo ènana
The new site for sharing the Marquesan language

Vue de la plage Vainaho et du Fort Collet, Taiohae, Nuku Hiva. René Gillotin, 1844.

NOA ATU >>> E AHA À ...

No te haaèo mai i te avetekao « même si », mea nui te ènana e haahana i te ponatekao tahiti « noa atu ». Koè nui !!!

même si èè Copy

 

1) - Me he mea e makimaki ôtou e haahōhonu i to ôtou ìte i ùka o hua ponatekao « noa atu », a tiòhi atu i te kāputuèo a te Tuhuka èo tahiti, tapa hāmani 291/292. A koè à, a tiòhi atu i te papaìatekao èo tahiti a hua tuhuka §43.7.2, tapa hāmani 310.


2) - I tēnei, a tiòhi mai tātou i te kēkē o te èo ènana !


*- I te tapa hāmani 197-I o te kāputuèo a te èpikopo Dordillon, e ìte tātou i te tau haaviviniìa a te ponatekao « noa » = « très, beaucoup ; sans but, sans motif » ; mea ananu me te ponatekao « noa atu ».

*- I hua kāputuèo nei, koàka ia òe te avetekao « même si ». Ia ùmihi atu òe i te mou avetekao « Bien que, quoique » e koàka ia òe te mou haaviviniìa « e aha à, maià, maua ».


3) - Me moenahu (oti) « maià » me « maua » i tēnei tai hou, o te avetekao « e aha à » anaiho i toe ta òe e koàka ia haahana peenei :


*- me te pahihana :

« E aha à ua ūa, ua hee tātou i Hooumi ».


*- me te ikoa mēmau :

« E aha à te ūa, ua hee tātou i Hooumi ».


4) - Me he mea e hua mea anaiho te avetekao « Même si » me te avetekao « Qu’importe ! », a haahana hoì tātou i te avetekao « E aha à ! ».

*- I te tapa hāmani 199-I o te kāputuèo a te èpikopo Dordillon, e ìte tātou i te avetekao hei pao « Oa hei aa ! » ; e hua mea anaiho me « E aha à ! ». Atii nei e ùa avetekao ta tātou mea haaèo mai « Même si ».


Patuìa e Jacques Iakopo Pelleau i 2015

U haatoitoiìa te patuhei vāàna i te tau aahiìa a te Haè tuhuka èo ènana i te 22/08/2022.
(Aua te tau ponatekao me i òto mai o te tau kōtūòmia me te tau kāputuèo kākiu)

 

Plus dans cette catégorie : « HŌHO’A / HOPE’A >>> ATA / PAOÌA

Comments est propulsé par CComment