Le site de partage de la langue marquisienne
Te tohua niutavavā hou mea àva atu àva mai i te èo ènana
The new site for sharing the Marquesan language

Vue de la plage Vainaho et du Fort Collet, Taiohae, Nuku Hiva. René Gillotin, 1844.

I haamevaha tekao e ùa o te Henua ènana, mea tuhuka hoì te tau poì e hana nei i èià ; u haataetae âtou i te èo ènana/ènata.
No te haaèo mai i te avetekao « même si », mea nui te ènana e haahana i te ponatekao tahiti « noa atu ». Koè nui !!!
Ma òto o te tau maakau tukuìa e tēia tama ènana, tēia tama ènana io Facebook, ua ìte hae au i ponatekao èo tahiti e ùa, o « hōho’a » me « hopea ».
Mea nui te ènana e haahana nei i te ponatekao tahiti « pāhono » i te kōava o mou ponatekao èo ènana e ùa « hua atu » me « haahua atu ».
Ia òkoìa hua mou ponatekao io tītahi haamevaha èo, u mamae to ùpuaìka na te mea, i òto o te kāputuèo « Mou Pona Tekao » a te Haè tuhuka èo ènana, enā hoì te ponatekao hei pao no te haaèo mai i hua mou ponatekao farani.
Me i te èhua 2004 tihe i te â nei, u òko hae ìa te ponatekao èo tahiti « taui » ma he èo ènana.
I Motutini farani nei, mēìa i te ìi haaviviniìa o nā mou ponatekao èo tahiti e ùa, o « fa’a’apu » me « fa’a’amu », u haahana hae ìa e te nuiìa o te tama ènana atii me te poì farani.
Aua tātou e haahana hakaùa i nā ponatekao èo tahiti e ùa o « māere » me « fa’ahiahia » mea hakaìte atu i to tātou « mahaò » !
Mea nui te ènana tumu e haahana nei i te avetekao tahiti « E ‘imi te rāve’a ».
E tahi ponatekao èo tahiti tēnei i òkoìa io tītahi haamevaha èo e nei i Taiohae : « E ìma paha pūpū ?».
A mou i tēnei, u òkoìa nā mou avetekao e ùa me i òto mai o tītahi pū haamevaha tekao o te henua ènana : 1) - « I te ārea no mars… »  2) - « I te taime o te vākai ».  
E haahana hae ìa te ponatekao èo tahiti tauturu e te nuiìa o te ènana ; enā hoì à e ùa ponatekao èo ènana e hua mea anaiho te haaviviniìa me tauturu.
I tēnei tai hou, i te Henua ènana nei, u òko hae ìa te avetekao tahiti « fa’atura i te ture ». Enā à te ponatekao hei pao ma he èo ènana.