TE KOÌKA O TE ETUA TOÙTAHI
TATAUÌA O TE HĀMANI TOUMAKI 8, 22-31
22 U taaàu te Māàma o te Etua, e peàu aa pēènei :
« U pēpena te Etua ia ù, òmua naoti,
ma mua to Īa hakaìte atu i to Īa makimaki,
ma mua to Īa tau hana tumu.
23 Ua tū mau au nei ma mua o te tau tai hakatahi,
aòè te henua i pēpenaìa atu aa.
24 U haatupuìa au ma mua i kāneaìa
te take o te tai hōhonu, ma mua ua tahe te vaipuna.
25 U hānauìa au ma mua i haatūìa
te tau tuaivi me te tau pūkei,
26 ma mua u pēpena te Etua i te henua,
te vahi èitā, te papakeâ me te èpo kaaea.
27 I èià au nei
ia haamau te Etua i te ataàki,
me to Īa haakāpoipoi i te kotina o te tainui.
28 I èià au nei
i te ava u haapī te Etua me te ūa i te ao io he ataàki.
I èià au nei
ia haapihiti te Etua i te tau punavai me io he peteò.
29 I èià au nei
i te ava u tāmau te Etua i te kotina o te tai,
oa hiti i uta atu.
I te ava u haamau te Etua i te tumu o te henua,
30 enā au nei me he tuhuka ma te kaokao o te Etua.
I tēia â, i tēia â, u haaèkaèka au ia Īa,
31 e keu ana i mua o Īa, keu ana io he henua vii pu.
U koakoa hoì au i vāveka o te tau ènana. »
TARAMO 8, 4-5, 6-7, 8-9
E te Hatu, to mātou Etua e, u pupuà te kāìè
o to Òe ikoa ma he henua ia ôtoa, ia ôtoa. 8, 2
4 A tiòhi tātou i te àki pēpenaìa e to Òe mana,
Te meàma me te tau hetū ta Òe i haamau.
5 E aha te ènana vāàna e maakau Òe ia īa ?
E aha te ènana vāàna e apuu meitaì Òe ia īa ?
6 To Òe hīa : a ìò te ènana aìna tūtū me te anera.
Ua vāhī Òe i hua ènana me te kāìè me te òko nui.
7 O īa te vivini o te tau mēmau ta Òe i pēpena.
Ma aò o to īa vaevae hua tau mēmau paotū :
8 Te tau naho piha me te mutō,
Me te tau puaka kaipekā,
9 Te tau manu e ona nei io he ataàki,
Te tau ika e kau nei io he tai.
TATAUÌA O TE HĀMANI A PAURO PEÀTO I TO ROMA
5, 1-5
E tu ù tau tuàne tuehine,
1 ma to tātou haatià ia Ietu Kirito,
u haatoitoiìa tātou i mua o te Etua.
Mēìa i to tātou Hatu, Ietu Kirito, e koàka ia tātou
e tū me te koekoe moû i te aò o te Etua.
2 Ma io Ietu Kirito, mēìa i to tātou haatià ia Īa,
ua tomo tātou i òto o te karatia o te Etua
ta tātou i koàka mai nei, atii hoì e tataì nei tātou
me te koakoa no te àva atu i te kāìè o te Etua.
3 Atià, enā me te mea kē, pēènei : U koakoa tātou
i òto o te nuiìa o te kōhii haamamae.
Ma te tohe mau, e aha à te mamae o te tau kōhii,
u haaèkaèka tātou i te Etua.
4 Me io te Etua haaèkaèkaìa, ua iho mai
te hakatu koekoe tataì mau i to Īa kāìè.
5 Aòè hua tataììa e hakahae i te ènana.
U vaièiìa mai hoì te Kuhane Meitaì.
Na Īa e haatiàtohu i òto o tātou i to te Etua kāòha.
Te kāìè nui i te Motua, me te Tama,
me te Kuhane Meitaì,
i te Etua te tū nei, te i tū òmua naoti,
a tihe ananu.
ÈVANERIO O IETU KIRITO VĀÀNA E IOANE 16, 12-15
I te ava ua taha Ietu me i te ao nei io to Īa Motua,
u peàu i to Īa tau kouâ :
12 « E mea nui te tekao kē e too ta ù e hakaìte atu.
Atià, he tekao toko.
I tēnei, u te koàka ia ôtou te apuu.
I3 I te ava e tihe te Kuhane,
e hakaìte Īa i te Tiàtohu i ùka o te Etua ;
na Īa e haatee ia ôtou i te Tiàtohu paotū.
Aòè hoì e peàu na Īa ta Īa anaè,
e peàu Īa vāàna i te mea ta Īa i haaòko.
E hakaìte atu Īa i te mea e tihe mai ma tītahi â.
14 E òko Īa i tu ù tekao no te hakaìte ia ôtou.
Ma èià hoì to Īa haakāìè ia ù.
15 To tu ù Motua taetae paotū, ua ìò no ù.
Oia te tumu u peàu au ia ôtou :
e òko te Kuhane i ta ù tekao me te haki atu ia ôtou. »