1) - Toko. Io te tapa hāmani 270-I o te hāmani haavivini ponatekao a Mgr Dordillon, e koàka ia òe e toù ònohuu vaò haaviviniìa i ùka o hua ponatekao toko. Ma he èo farani : « lourd, pesant, grave ; étai, support, soutien ; étayer, supporter, soutenir ».

« A toko mai ! », « Koùtaù/vaièi nui i te tokoìa/tokotina mai ! ». Totahi atu i òto o te taramo 146, te kio 9 : « O te Fatu te toko o te vehine popī ».

2) - Pātoko, io te tapa hāmani 218-I o hua hāmani haavivini ponatekao e koàka ia òe te tau haaviviniìa hakatu me toko ; ma he èo farani : « appui, soutien ; appuyer, consolider ».

Oia tītahi kio tekao mei òto mai te hāmani patuìa e te peroheta Itaia, 50-7 : « O te Fatu to ù pātoko. Àòè au e hika atu ».

Totahi atu, io te « Mou ponatekao » a te Pū Tuhuka èo ènana, e koàka ia òe te nuiìa o te ponatekao taetae oko :

*- tapa hāmani 11 : agence de la CPS = haè pātoko mataèinaa,

*- tapa hāmani 18 : assurance, assurance maladie = pātoko, pātoko mate,

*- tapa hāmani 48 : déclarer à la CPS = haki/faì io te haè/faè pātokoìa/pātokotina mataèinaa,

*- tapa hāmani 69 : garantie = pātoko,

*- tapa hāmani 98 : ouvrant droit = ènana pātokoìa, ènata pātokotia.

Patuìa e / Rédigé par Jacques Iakopo Pelleau