TOMINIKA E ÌMA O TE PAKATE
(Â tapu 28 no Nāpeka 2024)
TOMOÌA : O AU ANAÈ TE VAANUI (Pō e ono)
1 O au anaè te vaanui No te tihe io to ù motua. O te ènana ua ite ia ù, Ua ite īa i to ù motua. |
Mōumu No te haapii me te Etua Motua, A tihe mai io ù. O au te Vaanui, Te Tiàtohu, te Pohuè. |
||
2 O te ènana e noho nei i òto hoì o au, / O te ènana ua ite ia ù, Ua ite īa i to ù motua. |
|||
I.2 1 |
2 |
||||
Mōumu |
3 |
||||
E te Hatu e Tōìki Kofirimatio
|
TARAMO 22 (21) : E hahi mātou ia Òe, e te Etua e, i òto o te motuhaka.
Kio Vānana : Mamau te ènana haatià i te Etua.
Me he tumuâkau i nanuìa pii he vaitahe.
I te ava e hei, e hua i te nuiìa o te puku.
Pure a te poì haatià : E te Hatu, a òko i ta mātou pure ; (Pō e ono)
A òko mai ia mātou (bis).
Mēìa i to Òe kāòha, e te Hatu e, a apuu mai Òe
i ta mātou nei pure no te aomāàma.
ÙTUNA : Mōumu : Mea ùtuna (i te pohuè), (Vāhana)
(Pō e ono) Mea ùtuna (te mana nui), (Vāhana)
A ùtuna i te Etua.
1 Eīa te hana a te ènana, Te hānia to mātou àe ; Te vaimata, te koakoa, E tuku nei hoì mātou Ia Òe, e te Hatu e. |
2 Eīa te puku o te henua ; Ua ìò e haraoa (me te vino) (Vāhana) Hanaìa e te ìma ènana. E tuku nei hoì mātou Ia Òe, e te Hatu e. |
|||
B.5 1 |
2 |
|||
3 To Òe nino, to Òe toto / E mea taìtaì to Òe mata |
Peàto Tōìki Kofirimatio
Haamaakauìa : E te Haapohuè o te aomāàma,
(Pō e ono) A haapohuè mai ia mātou.
Ma to Òe peka me to Òe Tūhakaùaìa,
E pohuè ai mātou.
Te kāìè ia Òe, e te Hatu e, o Òe to mātou Haapohuè
te i mate nui me te tū hakaùa e pohuè nei à, e Ietu Kirito,
O Òe (bis) to mātou Etua, a tihe mai, e Ietu, to mātou Hatu.
To mātou Motua e Àrenio Tōìki Kofirimatio.
KŌMŌNIŌ : LE PAIN DÉPOSÉ (Pō e ono)
Le pain déposé Au dessus de mes yeux, C’est tout le corps du Christ en moi. La coupe est levée Au-dessus de mes yeux ; C’est tout le sang du Christ en moi. |
Mais c’est aussi toute ma vie, De mes frères et de mes sœurs. Quand je communie, je porte Dieu En moi dans mon Cœur, Mais je deviens aussi Responsable de mes frères Et de mes sœurs. |
|||||
I.3 1 |
Mōumu |
|||||
2 E mea kē, u haakoè ia Īa iho ; |
3 U haaènana ia tiòhi atu, |
|||||
4 Oia te tumu i haatiketike anaè ai / Te Etua ia Īa |
Hīmene haahuaèkaèka : JÉSUS, SOIS LE CENTRE Tōìki Kofirimatio
1 Jésus, sois le Centre, Sois ma Lumière, Sois ma Source, Jésus. |
Refrain Sois le Feu dans mon Cœur, Sois le Vent dans ses voiles, Sois la Raison de ma vie, Jésus, Jésus. |
||
2 Jésus, sois le Centre, Sois mon Espoir, Sois mon Chant, Jésus. |
3 Jésus, sois ma Vision, Sois mon Chemin, Sois mon Guide, Jésus. |
PAHIÌA : E MARIA E (Pō e ono)
E Maria e (bis) Ua ìò ta ù korona (ta ù korona) E vii nei i òto o to ù nei ìma, E hei pure i mua i to Òe àò. |
Mōumu Ia kāòha au (bis) i ta ù (bis) Korona (i ta ù korona), Ia pure au (bis) i ta ù (bis) Miterio (i ta ù miterio), No te mea, e pure mana te Rohario. |
I.7 Mōumu : A koakoa, e Maria e, tū hakaùa Ietu,
A koakoa, Matarena e ; U pohuè to tātou Hatu.
1 |
2 |
TOMINIKA E ÌMA O TE PAKATE
TATAUÌA O TE HĀMANI HANA A TE TAU ÀPOTORO 9, 26-31
26 I te ava ua tihe Tauro i Ierutaremi,
ua hano īa e haapii me te tau kouâ.
Atià, u haametaù âtou paotū ia īa.
Aòè âtou i haatià o īa tītahi kouâ.
27 Ua too hoì Paranape ia Tauro me īa
me to īa aahi atu io te tau Àpotoro.
U peàu Paranape pēhea ua ìte Tauro i te Hatu
te i tekao atu me īa ma io he vaanui,
ma hope iho, pēhea u hakaìte atu Tauro, haametaù koè,
i te ikoa o Ietu i Tamati.
28 Me i tēnei ava, i Ierutaremi, ua hee atu,
ua hee mai Tauro me te tau kouâ
e haki atu aa me te koekoe oko i te ikoa o te Hatu.
29 U tekatekao īa me te tau ati Iuta me io te Henua Hereni
me to īa tōtohe me âtou.
Oia te piò ua hano âtou e kukumi haamate ia īa.
30 Ia òko te tau tuàne tuehine i hua hana pē,
u aahi âtou ia Tauro i Ketarea ;
me i èià, ua pahi âtou ia īa i Tarate.
31 I te Henua Iutea ia ôtoa me te Henua Tamaria,
ua noho te Èkaretia me te moû.
U haanui aè me he mea a te haè hou i haatūìa.
Paotū te â, u pakaihi te Èkaretia i te Hatu.
Ua neke i te henua vii pu, pī i te koakoa o te Kuhane Meitaì.
TARAMO 22 (21) 26-27b, 28-29, 31-32
E hahi mātou ia Òe, e te Etua e, i òto o te motuhaka. cf. .22,26
26 E hahi au ia Òe i mua o te motuhaka.
E hana au vāàna i to ù peàu atu ia Òe,
I mua o te tau ènana e pakaihi ia Òe.
27 E kai te poì veve, e maòna âtou.
E hahi i te Hatu te poì e ùmihi nei ia Īa :
28 E haamaakau te henua kōtoa me te hua mai io te Hatu.
E moe haatona te tau mataèinaa i mua o Īa.
29 O te Hatu te vivini o te aomāàma, o Īa te Hakaìki nui.
31 E pohuè au no te Hatu : e tāvini to ù ati ia Īa.
E haamevahaìa te òko o te Hatu
I te tau tai ènana i ùka aè.
32 E hakiìa to Īa toitoi i te tai ènana i ùka aè.
Oia hoì te hana mahaò o te Etua.
TATAUÌA O TO MUA HĀMANI A IOANE ÀPOTORO 3, 18-24
18 E tu ù tau tama e,
umoì tātou e kāòha ma te haha anaè,
a haatiàtohu i to tātou kāòha
ma to tātou hana me te hakatu pohuè.
19 Ma èià, ua ìteìa ua kē tātou me te Etua te i hakahae koè.
U haaēa tātou i te menava i te aò o te Etua,
e aha à u hakatio te koekoe ia tātou iho.
20 E iti noa hoì to tātou koekoe, u tiketike atu to te Etua.
Ua ìte te Etua i te tau mea ia ôtoa.
21 E tu ù tau hoa tāhia e,
me hakatio koè to tātou koekoe ia tātou iho,
a noho tātou me te moû i mua o te Etua.
22 E vaièi mai Īa i te mea paotū ta tātou e ape me io Īa,
na te mea, u aotahi tātou i to Īa tekao,
ua hana tātou i te hana haaèka ia Īa.
23 Pēènei hoì te Tekao a te Etua :
A haatià tātou ia Ietu Kirito, ta Īa Tama,
a kāòha te hoa i te hoa, vāàna i to Īa makimaki hakaìteìa mai.
24 O te ènana i aotahi i te Tekao a te Etua,
ua noho īa i òto o te Etua, ua noho te Etua i òto o īa.
Ua ìte tātou i te mea ua noho te Etua i òto o tātou
na te Kuhane Meitaì te i vaièiìa mai.
ALLELUIA ALLELUIA
cf. Ta.1,3
Mamau te ènana haatià i te Etua. Me he tumuâkau i nanuìa pii he vaitahe. I te ava e hei, e hua i te nuiìa o te puku.
EVANERIO O IETU KIRITO VĀÀNA E IOANE 15, 1-8
I tēia mou pō, u peàu Ietu i to Īa tau kouâ :
1 « O au te tumuvino tiàtohu.
O tu ù Motua, o Īa te ènana taùnanu.
2 E kokoti Īa i te makamaka te i koè e hua i te puku.
E auà Īa i te makamaka te i hua i te puku
etià e nui aè te tau kāhui.
3 U auàìa ôtou na te tekao ta ù i hakako ia ôtou.
4 A noho ôtou i òto o au nei, e noho au i òto o ôtou.
Aòè e koàka i te makamaka e hua i te puku na īa anaè.
Ia takiìa te makamaka me io te tumuvino,
aòè e hua i te puku.
Atii tēnei : aòè he mea e koàka ia ôtou
me paekē ôtou me io ù.
5 O au te tumuvino, o ôtou te tau makamaka.
O te ènana te i noho i òto o au, e noho au i òto o īa,
e hua īa i te nuiìa o te puku.
Ia kaò au, aòè he mea e koàka ia ôtou.
6 Me paekē tītahi me io ù,
e titiiìa me he makamaka avai noa te i pororō ai.
Ua kohiìa te tau makamaka pororō no te tutu me te ahi.
7 Me noho ôtou i òto o au,
e noho tu ù tekao i òto o ôtou.
A tahi a ape mai i te mea ia ôtoa ta ôtou i makimaki :
e ìò ia ôtou.
8 E haakāìèìa tu ù Motua ma te nuiìa o to ôtou puku.
Ma èià, e ìò ôtou he tau kouâ no ù. »