TOMINIKA E ÙA O TE AVA MA TE ÈHUA
(Â tapu 14 no Èhua 2024)
TOMOÌA : U VEVAÒ TE ETUA E
|
U vevaò te Etua e, Ia tātou nui, A titii, a titii, A titii i te haè o to òe tau tupuna. |
E haaìò au ia òe E mataèinaa nui oko. E haameitaì au i to òe, To òe ikoa. |
TARAMO 40 (39) : « E te Hatu e, eīa, ua tihe au nei no te aotahi atu i to Òe makimaki. »
Kio Vānana : « U koàka mai ia māua te Metia, o hua mea anaiho te Kirito » ; ma io Ietu Kirito, ua tihe mai te Karatia me te Tiàtohu.
Pure a te poì haatià : E moû, moû nui to Òe hakatu e te Motua e. Apuu mai Òe i ta mātou pure.
ÙTUNA : A.28
|
1 U vevaò te Etua Ia tātou tikitahi. Ua vae te Etua Ia tātou tikitahi, No te hakaòko ia Īa Me te noho me Īa. |
Mōumu A tū, e te motuhaka, A ūtaì ia Ietu ! O Īa te Vaanui, O te Tiàtohu Me te Pohuè. |
2 U kāòha te Kirito Tihe i te matena. U tāvini te Kirito Tihe i te paona, No te vevaò ia tātou nui Ia ūtaì me Īa. |
|
|
3/ U hakako te Kirito / I te poì haatià. U puàha te Tekao / I to tātou pōtako, No te haaìò ia tātou / He tama o te Māàma. |
|||
Haamaakauìa : Te kāìè ia Òe, e te Hatu e, te i mate nui, te pohuè ; A tihe mai, e Ietu ; a tihe mai, e Ietu.
KŌMŌNIŌ : D.44
|
U vevaò mai Òe ia mātou nei, |
1 |
2 E Ietu e, te Inu kuhane ; / ua tuku mai Òe i to Òe toto tapu
Mea inu pohuè / no te tau tai ananu.
Hīmene haahuaèkaèka : SEIGNEUR, APPRENDS-MOI…
Seigneur, apprends-moi à faire silence dans mon cœur,
Savoir getter Ton pas quand Tu viens,
Savoir Te reconnaitre et T’accueillir
Quand Tu viens frapper à la porte de mon cœur.
Refrain :
Me voici, Seigneur, me voici (me voici),
Car Tu m’as appelé par mon nom (par mon nom),
Parle, Seigneur, car Ton serviteur écoute.
PAHIÌA : V.49
|
1 |
2 |
3 |
TOMINIKA E ÙA O TE AVA MA TE ÈHUA
TATAUÌA O TO MUA HĀMANI O TAMUERA 3, 3-10.19
3 U hiamoe te pōìti, o Tamuera te ikoa,
i òto o te haèpure o te Hatu, i èià te Àraka o te Etua.
4 U vavaò te Hatu Etua ia Tamuera.
U haahua atu īa : « Eīa au nei. »
5 U tohuti īa io te tāuà Eria me te peàu :
« U vavaò òe ia ù. Eīa au nei. »
U peàu Eria :
« Aòè au i vavaò ia òe. A hua atu. A moe. »
6 Ua hua te pōìti i te hiamoe.
U vavaò hakaùa te Hatu Etua ia Tamuera.
Ua maô īa. U tohuti io te tāuà Eria me te peàu :
« Eīa au nei, na te mea u vavaò òe ia ù. »
U haahua hakaùa Eria :
« Aòè au i vavaò ia òe, e tu ù tama e.
A hua atu. A moe. »
7 U te e ìte Tamuera i te Hatu.
Aòè Tamuera i òko atu nei i te tekao a te Hatu.
8 U vavaò te Hatu ia Tamuera. O te toù vavaòìa tēia.
U maô Tamuera me te tohuti io Eria.
U peàu : « U vavaò mai òe ia ù. Eīa au nei. »
9 A tahi a vivini Eria i te mea o te Hatu Etua
te i vavaò nei i te tama. U peàu hoì Eri ia Tamuera :
« A hua. A hiamoe.
Me vavaò hakaùa ìa òe, a peàu pēènei :
E te Hatu e, a haki mai i to òe hīa.
U hakaòko hoì to òe tāvini. »
Ua hua Tamuera i te hiamoe.
10 Ua tihe te Hatu. Ua noho pii o Tamuera
me to Īa vavaò me he mea òmua atu nei :
« E Tamuera, Tamuera e. »
U haahua atu Tamuera :
« E te Hatu e, a haki mai i to òe hīa.
U hakaòko hoì to òe tāvini. »
19 U karaiha aè Tamuera. O te Etua me īa.
Ua mana te tekao paotū o te Hatu te i tihe io Tamuera.
TARAMO 40 (39) 2abc.4ab, 7-8a, 8b-9, 10cd-11cd
« E te Hatu e, eīa, ua tihe au nei
no te aotahi atu i to Òe makimaki. » cf.40,8.9
2 U tetaì au, e tohe mau i te tetaì i te Hatu.
U tiòhi mai te Etua, ua òko Īa i tu ù vavaò.
4 U pepeù te Etua i to ù haha no te hīmene hou,
E taki to ù èo no te hahi i to tātou Etua.
7 Aòè Òe e makimaki i te tau ùtuna hēaka.
U pepeù Òe i tu ù puaìka, e te Etua e.
Aòè Òe i apuu mai i te hēaka pūovo i te ahi.
8 Oia te tumu o tu ù peàu atu : Eīa, ua tihe au nei.
Ua patuìa no ù io he Hāmani tapu
9 Pēhea te haatae i to Òe makimaki.
E tu ù Etua e, oia nei tu ù hīa :
Te aotahi atu i to Òe tekao ma io he koekoe.
10 A haamaakau Òe u te e mutu to ù haha.
E te Hatu e, ua ìte meitaì Òe.
11 U hakaìte au i te motuhaka o te mataèinaa
I to Òe Hakāòha mai me to Òe Toitoiìa.
TATAUÌA O TO MUA HĀMANI A PAURO PEÀTO I TO KORINETIA 6, 13b-15a.17-20
E tu ù tau tuàne tuehine.
13 Aòè i kāneaìa te nino no te hana mako.
O te Hatu te vivini o to tātou nino.
O to tātou nino no te tāvini i te Hatu.
14 U hakatū te Etua i te Hatu Ietu me i vāveka o te huaa mamate,
atii to te Etua Haapohuè i to tātou nino ma to Īa mana nui.
15 Aha, u te e ìte ôtou ? O to ôtou nino
me tītahi hopenino o to te Kirito nino ?
17 Te ènana e haatahi me te Hatu
e ìò he Kuhane e tahi me te Hatu.
18 A titii ôtou i te hana mako.
Te tau mikeo paotū te i tāhava i te ènana,
te tau tekateka, i vaho o to īa nino ;
te ènana mako e tāhava i to īa iho nino,
19 aha, u haamāhaè ôtou ?
To ôtou nino te Hiero o te Kuhane Meitaì
te i noho nei i òto o ôtou,
te i vaièiìa mai e te Etua ia ôtou.
U te e koàka te peàu : na ôtou ta ôtou anaè.
20 Ma te tiàtohu, ua hokoìa mai ôtou.
No èià, a haakāìè ôtou i te Etua ma òto o to ôtou nino.
ALLELUIA ALLELUIA
cf. In.1, 41.17
« U koàka mai ia māua te Metia, o hua mea anaiho te Kirito » ; ma io Ietu Kirito, ua tihe mai te Karatia me te Tiàtohu.
EVANERIO O IETU KIRITO VĀÀNA E IOANE 1, 35-42
I tēia mou pō,
35 ua noho Ioane me nā kouâ tokoùa
ma tītahi kēkē o te kaavai Ioritane.
36 E tiòhi mau ia Ietu e taha aa, u peàu :
« O Īa nei te Àrenio o te Etua. »
37 Ua òko nā kouâ tokoùa i hua tekao.
Ua ūtaì âua ia Ietu.
38 E hāìu aa Ietu, ua ìte ia âua e ūtaì aa ia Īa,
u peàu : « E aha ta ôùa e ùmihi nei ? »
Ua haahua atu âua :
« E Rapi e, o hua mea anaiho e Tuhuka e,
i hea to Òe noho ? »
39 U peàu Ietu ia âua : « A mai. A tiòhi. ! »
Ua tihe mai âua no te ìte i te vahi o to Īa nohoìa.
Ua noho âua pii o Ietu i hua pō ana.
Ua èva te â, me he hora e hā i te ahiahi.
40 O Aterea, te teina o Timone Petero,
tītahi o nā kouâ tokoùa
te i òko i te tekao a Ioane, te i ūtaì ia Ietu.
41 U tutuki Aterea me to īa tuaana, ia Timone.
U peàu Aterea : « U koàka mai ia māua te Metia,
hua mea anaiho te Kirito. »
42 U aahi Aterea ia Timone io Ietu.
E tiòhi mau Ietu ia īa, u peàu :
« O Timone òe, tama na Iona.
O Keâ te ikoa e apaìa òe i tēnei. »
O hua mea anaiho me Petero.