TOMINIKA E HĀ O TE AVA MA TE ÈHUA

(Â tapu 28 no Èhua 2024)

TARAMO  96 (95) : I tēnei â, umoì tātou e taha kē te koekoe, a apuu tātou i te Tekao a te Etua.                  

Kio Vānana : A haameitaììa te Hatu to tātou Etua :

no te poì e noho nei io he pō pōtako,

u haapupuà Īa i to Īa Māàma.

Papatema (Â tapu)

Pure a te poì haatià : Me he auahi kekaa,

             (Pō e ono)            ua hiti ta mātou pure

                                          io Òe, e te Hatu e.

 Me he auahi kekaa, (kekaa)

ua hiti ta mātou pure (pure)

io Òe, e te Hatu e.

ÙTUNA :     B.4     (Pō e ono)            

3   A pahi mai Òe, e te Hatu / I to Kuhane Tapu

     Ia haatapu mai Īa / I tēnei ùtuna

     Ia ìò e nino, e toto no Òe.

D.27         

Haamaakauìa : Te kāìè ia Òe, e te Hatu e,    (Pō e ono)           

                           Te i mate nui, te pohuè ;

                           A tihe mai, e Ietu ; a tihe mai, e Ietu.

                            Te kāìè ia Òe te i mate no mātou, 

                           Te kāìè ia Òe e pohuè nei ananu,

                           E te Hatu e Ietu e, a tihe mai, a tihe mai.

KŌMŌNIŌ :   D.37    (Pō e ono)   

    D.17

Hīmene haahuaèkaèka : A.23

PAHIÌA : V.84

2  E Maria, e te kui tāhia e, / Te kui o Ietu to tātou Hatu,

   A pure Òe to Tama Etua / No mātou, ia kē ananu me Ietu.

TOMINIKA E HĀ O TE AVA MA TE ÈHUA

TATAUÌA O TE HĀMANI A MOITE PEÀUÌA TEUTERO 18, 15-20

¹⁵      U peàu Moite i te mataèinaa Iraene :

        « Ma vāveka o ôtou, ma vāveka o to ôtou tau tuàne tuehine,

        e vae te Hatu i te peroheta me he mea ia ù nei.

        A hakaòno ôtou ia īa.

¹⁶      Oiana ta ôtou e ape i te Hatu

        ia putuputuìa ôtou io te tuaivi Horepe, pēènei à :

        « Aòè tātou e makimaki e òko hakaùa

        i te èo o te Hatu, to tātou Etua, oa mate nui tātou. »

¹⁷      A tahi a peàu mai te Hatu : He mea hei to ôtou apeìa

        i te peroheta hakatu me òe nei.

        E tuku au i tu ù tau tekao io to īa haha.

        E hakaìte īa i te tau tekao paotū ta ù i peàu ia īa.

¹⁹      Me he mea aòè tītahi e hakaòko

        i ta īa tekao peàuìa ma tu ù ikoa,

        na ù e haavā ia īa.

²⁰      Atià, me peàu pu tītahi peroheta na īa ta īa anaè,

        akoè à, e tekao īa ma te ikoa o te ètua tīvava,

        e mate nui tenā peroheta. »

TARAMO  96 (95) 1-2,6-7b,7d-8a.9

 I tēnei â, umoì tātou e taha kē te koekoe, a apuu tātou i te Tekao a te Etua.               cf.95,8

¹       A mai. A hahi tātou me te koakoa i te Hatu,

        A haakāìè i to tātou motukeâ, te Haapohuè.

²       E haahuaèkaèka ana, a haatata mai tātou io Īa

        E hīmene haakoìka no te hahi i te Hatu.

⁶       A tomo. A oha. A atoratio ia Īa.

        A moe haatona i mua o te Hatu,

        Na Īa hoì i pēpena ia tātou.

⁷       O Īa te Etua, o tātou te mataèinaa

        I tēnei â, aha e apuu ôtou i to Īa tekao ?

⁸       Umoì ôtou e pūtuì me he mea i te henua ataha,

⁹       U haaveke mai to ôtou tau tupuna me te hakaki ia ù,

        E aha à ua ìtemata âtou i to ù hana mana.

TATAUÌA O TO MUA HĀMANI I A PAURO PEÀTO TO KORINETIA        7, 32-35

        E tu ù tau tuàne tuehine.

³²      E kōhoà nei au e pohuè ôtou paòpaò koè.

        Te ènana aòè i noho me te vehine,

        e tahi o īa maakau : te haataetae i te Hatu,

        e ùmihi aa pēhea te haaèka i te Hatu.

³³      Te ènana i noho me te vehine, e ùa o īa makimaki :

        tītahi : e kōhoà i te taetae o te aomāàma haakoàka mai,

        tītahi : e hano e haaèka i ta īa vehine.

³⁴      Ma èià, e toiìa hua vāhana ma nā e ùa kēkē.

        Te vehine, aòè a īa vāhana, me he mea te vehine hou,

        ua hano e haaèka i te Hatu

        etià e peàto īa ma io he kuhane, ma io he ènana tiàtohu.

        Te vehine e noho aa me te vāhana,

        u haapaòpaò ia īa iho mēìa i te taetae o te ao nei,

        maakau aa pēhea te haaèka i ta īa vāhana.

³⁵      No te toko ia ôtou tu ù tekao nei.

        U te e makimaki au e haatukee ia ôtou.

        E too ta ù e hakapahi ia ôtou i te mea meitaì,

        etià e haapii ôtou me te Hatu ma te tiàtohu o te koekoe.

ALLELUIA ALLELUIA

                                                                                          cf. Rk.1,68.79

A haameitaììa te Hatu to tātou Etua :

no te poì e noho nei io he pō pōtako,

u haapupuà Īa i to Īa Māàma.

EVANERIO O IETU KIRITO VĀÀNA E MAREKO      1, 21-28

        Ua tomo Ietu me to Īa kouâ i Kafaranaumi.

        I te Tāpati, ua uu Ietu i òto o te tinakoka

        me to Īa hano i te hakako.

²²      Ua pē âtou i te mahaò mēìa i to Īa hakakoìa

        na te mea, u hakako Ietu ia âtou me te mana,

        aòè me he mea ta te tau tuhuka tekao.

²³      Enā i òto o te tinakoka tītahi ènana uuìa e te kuhane ìno.

²⁴      U taaàu īa ma he èo oko me te peàu pēènei :

        « E Ietu no Natareti, e aha ta mātou nei me Òe ?

        Ua tihe mai Òe no te haahika ia mātou ?

        Ua ìte au o ai Òe : o Òe te Peàto o te Etua. »

²⁵      U oonaki Ietu ia īa me te peàu :

        « A mutu òe. A uu i vaho me i òto o īa. »

²⁶      U haakeue oko te kuhane ìno i hua ènana,

        u taaàu oko ki me te uu anamai me i òto o īa.

²⁷      Ua pī âtou paotū i te mahaò

        me te peàpeàu atu ta te hoa i te hoa :

        « E aha oti te mea nei ?

        He tekao hou hakakoìa me te mana.

        U vivini hoì Īa i te tau kuhane ìno. U aotahi atu âtou ia Īa. »

²⁸      A tahi a mevaha to Ietu òko nui i te Henua Karirea vii pu.