TOMINIKA E ÙA O TE PAKATE
TE ETUA HAKĀÒHA NUI
(Â tapu 7 no Nāpeka 2024)
TOMOÌA : A.18
|
1 |
Mōumu |
2 |
|
|
3 E te Etua Motua (e), / A tiòhi mai Òe |
|||
E te Hatu e A hakaòko
TARAMO 118 (117) : Paona koè to Īa kāòha ! (bis).
Hīmene Vānana : Alleluia, Alleluia, Alleluia
Ua hika te mate, ua tū te pohuè
Alleluia, Alleluia, Alleluia
Kio Vānana : U ìtemata Toma i te Hatu : u haatià.
« Mamau te tau ènana i haatià e aha à u te e ìtemata âtou ».
Pure a te poì haatià : - E te Etua Hakāòha nui e,
a oko mai ia mātou ta Òe tau tama.
ÙTUNA : JÉSUS, J’AI CONFIANCE EN TOI.
Seigneur Jésus tu t’es révélé
Couvert de plaies alors que mon cœur te persécutait.
Et tu m’as dit jusqu’à quand
Dois-je supporter que tu me fasses encore attendre.
Tu m’as aimé de tout ton cœur
Et à mon tour je t’ai offert toute ma vie.
|
Ref : Dans ton Amour insondable Tu as fait de moi ta servante L’Apôtre de ta miséricorde Et pour l’amour que j’ai pour toi. |
Jésus, je te suivrai n’importe où Car j’ai confiance en Toi ! |
Haamaakauìa : U haaòko nui mātou i To mateìa.
U haki atu mātou i To Tūhakaùaìa.
E tiaki nei mātou i To tihe mai / Me To kāìè.
To mātou Motua e Àrenio
KŌMŌNIŌ : E IETU HAKĀÒHA NUI E
|
1 E Ietu Hakāòha nui e, Te Àrenio o te Etua, Na to Òe nino Tapu oko E haapohuè ia mātou. |
Mōumu E Ietu e, (e Ietu e) E te Oà pohuè, (e te Oà pohuè) Te Miterio Tapu nui, U haamau Òe i te Piimau Hou Me mātou. |
||
|
2 E Ietu Hakāòha Nui e, Te Àrenio o te Etua, Na to Òe Toto tapu oko E haataìtaì ia mātou. |
Mōumu E Ietu e, (e Ietu e) E te Toto pohuè, (e te toto pohuè) Te Miterio Tapu nui, Te tahe nei no te haapohuè ia mātou. |
||
(E Ietu)
Hīmene haahuaèkaèka : REGARDEZ L’HUMILITÉ DE DIEU
|
1 Admirable grandeur, Étonnante bonté du Maitre de l’univers Qui s’humilie pour nous au point de se cacher dans une petite hostie de pain. |
Refrain Regardez l’humilité de Dieu, regardez l’humilité de Dieu, Et faites-Lui l’hommage De vos cœurs. |
||
|
2 Faites-vous tout petits, / vous aussi devant Dieu Pour être élevés par Lui, / Ne gardez rien pour vous, Offrez-vous tout entier / à ce Dieu qui se donne à vous. |
|||
PAHIÌA : MAMAN MARIE
|
Refrain Maman Marie C’est toi la plus belle des Mamans Je suis là devant toi, O prie pour moi Auprès de ton fils, O Marie Aide-moi à dire oui, Toi la mère de l’Amour. |
Apprends-moi, Maman Marie A suivre Jésus, à l’écouter ! Apprends-moi, à le prier, à le louer ! Tous les jours de ma vie, Montre-moi le chemin qui mène Vers la vérité, vers la liberté ! |
TOMINIKA E ÙA O TE PAKATE
TE ETUA HAKĀÒHA NUI
TATAUÌA O TE HĀMANI HANA A TE TAU ÀPOTORO 4, 32-35
32 O te nuiìa o te poì haatià, ua ìò ia âtou
te koekoe e tahi me te kuhane e tahi.
Aòè e tahi ènana i peàu
o īa anaè te Hatu o ta īa taetae.
U àvaki âtou ma te tuha atu tuha mai i te tau mēmau.
33 Ua ìi te tau Àpotoro no te haatiàtohu
i te Tūhakaùaìa o te Hatu Ietu.
Ma ùka o âtou nui te mana o te karatia.
34 Aòè e tahi ènana veve i vāveka o âtou.
O te tau ènana hatuhenua, akoè à hatuhaè,
ua ìò i te hoko atu i to âtou mēmau.
35 Ua kave mai âtou i te moni o te tau taetae pao i te hoko
me te tuku atu pii o nā vaevae o te tau Àpotoro.
U tuhaìa ai hua moni ia tītahi, ia tītahi,
vāàna i te mea e hei no īa.
TARAMO 118 (117), 1.4, 16-17, 22-23, 24-25
Paona koè to Īa kāòha ! 118,1
"
1 A haahuaèkaèka i te Hatu : u matavaièi mai Īa.
Paona koè to Īa kāòha.
4 A peàu te poì pakaihi i te Hatu :
Paona koè to Īa kāòha.
16 U tuàki te ìma oko o te Hatu,
Ua mana nui te pūhāìma o te Hatu.
17 Aòè e mate havaiki, e pohuè meitaì au
No te hakaìte atu i te tau hana o te Hatu.
22 O te keâ i titiiìa e te poì hakatū i te haè,
O hua keâ avai noa, ua ìò he keâtaa.
23 Oiana te hana a te Hatu,
E hana mahaò haapekahi ia mātou.
24 Oia nei te â haatoitoiìa e te Hatu.
He â koìka, te â o te koakoa no mātou.
25 E te Hatu e, a vaièi mai i te pohuèìa.
E te Hatu e, a vaièi mai i te tuàkiìa.
TATAUÌA O TO MUA HĀMANI A IOANE ÀPOTORO 5, 1-6
1 O te ènana i haatià o Ietu te Kirito,
u hānauìa me io te Etua.
Me kāòha te ènana i te Motua,
u kāòha hoì i ta īa tau tama.
2 Pēènei to tātou ìte u kāòha tātou i te tau tama a te Etua :
a kāòha tātou i te Etua, a aotahi atu i to Īa tekao.
3 Na te mea, o hua mea anaiho te kāòha i te Etua
me te aotahi atu i to Īa tau tekao.
Mea hana māeka te aotahi i te Tekao a te Etua,
4 na te mea u tuàkiìa to te ao nei e te tau tama a te Etua.
5 Ma te haatià, u tuàki tātou i to te ao nei.
Na ai i tuàki i te ao nei ?
O te ènana e haatià o Ietu te Tama a te Etua.
6 O hua Ietu Kirito te i tihe me te vai me te toto,
aòè me te vai anaè, atià me te vai me te toto.
O te Kuhane te i haatiàtohu ia Ietu Kirito.
O te Kuhane hoì te Tiàtohu.
ALLELUIA ALLELUIA
cf.In.20,29
U ìtemata Toma i te Hatu : u haatià.
« Mamau te tau ènana i haatià e aha à u te e ìtemata âtou ».
EVANERIO O IETU KIRITO VĀÀNA E IOANE 20, 19-31
19 I te ahiahi o hua â to mua o te âtapu,
u putuputu te huaa kouâ i òto he pāòto.
Ua pā i te avaputa na te haametaù i te poì ati Iuta.
Ua tihe anamai Ietu. Ua tū anaè Īa i vāveka ahau o âtou.
U peàu Īa : « Ia ôtou te moû ! »
20 E peàu aa i hua ponatekao, u hakaìte Ietu ia âtou
i to Īa nā îìma me to Īa kaokao.
Ua pē i te koakoa te tau kouâ,
mēìa ua ìtemata âtou i te Hatu.
21 U peàu hakaùa Ietu : « Ia ôtou te moû.
Me he mea ua pahi mai to ù Motua ia ù,
atii me to ù pahi atu ia ôtou. »
22 Ia pao hua ponatekao,
ua puhi Ietu i to Īa ao i ùka o âtou me te peàu :
« A haakoàka ia ôtou i te Kuhane Meitaì.
23 To te tau ènana mikeo e veveteìa e ôtou, u veveteìa.
To te tau ènana mikeo e tāmauìa e ôtou, u tāmauìa. »
24 O Toma, te i vavaòìa Mahaka, o Titimo ma he èo hereni,
tītahi o te tīònohuu ma tokoùa kouâ,
aòè īa me âtou i te â u hakaìte Ietu ia Īa iho.
25 U peàu tahipito kouâ ia īa : « Ua ìte mātou i te Hatu. »
U haahua atu Toma ia âtou :
« Me he mea aòè au e ìte io nā îìma o Īa
i te maki o te puhipuhi i te pāoka,
me he mea aòè au e tuu i tu ù makamakaìma
i òto o hua maki o te puhipuhi,
tu ù ìma i òto o to Īa kaokao,
aòè au e haatià. »
26 E vaù pō ma hope iho,
ua noho hakaùa te huaa kouâ io he haè.
O Toma tītahi me âtou.
Ua pāìa te avaputa. Ua tihe anamai Ietu.
Ua tū anaè Īa i vāveka ahau o âtou me te peàu :
« Ia ôtou te moû ! »
27 I muì iho, u peàu ia Toma :
« A tuku înei i to òe makamakaìma,
a tiòhi i to ù nā îìma. A haatata i to òe ìma,
a tuku i òto o to ù kaokao.
Umoì òe pūtuì. A haatià ! »
28 U hua atu Toma ia Īa me te peàu :
« E tu ù Hatu e, e tu ù Etua e. »
29 U peàu Ietu :
« U haatià òe, e Toma e, mēìa ua ìtemata ia ù.
Mamau te tau ènana i haatià
e aha à u te e ìtemata âtou. »
30 Mea nui te hana mana kē, hakatu kē
ta Ietu i hana i te aò o to Īa tau kouâ
aòè i patuìa i òto o te hāmani nei.
31 U patuìa tēia mea nei etià e haatià ôtou
o Ietu te Kirito, te Tama a te Etua.
Mēìa i to ôtou haatià, e pohuè ai ôtou ma to Īa ikoa.