TOMINIKA E ÌMA O TE AVA MA TE ÈHUA
(Â tapu 4 no Uaòa 2024)
TOMOÌA : QUE TON NOM RÉSONNE EN CE LIEU |
|||||||||||||||||||||||||||||||||||||
|
E te Hatu e
A hakaòko : A hakaòko i te èo o te Hatu. (Vehine)
A hakaòko i te èo o te Hatu. (Vāhana)
O te Hatu (Paotū)
TARAMO 147A (146) : A haameitaì i te Hatu te i hāika i to tātou tau maki.
Kio Vānana : « Ua too Ietu i to tātou pepae. U haakoè Īa i to tātou tau mate. »
Pure a te poì haatià : Ia hiti ananu ta mātou pure io Òe, e te Hatu. A oko mai, a apuu mai.
ÙTUNA : D.30 Mōumu : Atoratio, e to ù kuhane,
I te Hatu, i to òe Hakaìki ;
O te Tumu, te Etua, te Pēpena
I te àki me te henua.
1 |
|
2 |
||
3 |
4 |
Peàto
Haamaakauìa : Te kāìè ia Òe, te i mate, te pohuè, Ietu, to mātou Hatu, a tihe mai.
To mātou Motua e…. / Àrenio
KŌMŌNIŌ : E IETU HAKĀÒHA NUI E
1 E Ietu Hakāòha Nui e, Te Àrenio o te Etua, Na to Òe nino Tapu oko E haapohuè ia mātou. |
Mōumu E Ietu e, (e Ietu e) E te Oà pohuè, (e te Oà pohuè) Te Miterio Tapu nui, U haamau Òe i te Piimau Hou Me mātou. |
||
2 E Ietu Hakāòha Nui e, Te Àrenio o te Etua, Na to Òe Toto tapu oko E haataìtaì ia mātou. |
Mōumu E Ietu e, (e Ietu e) E te Toto pohuè, (e te toto pohuè) Te Miterio Tapu nui, Te tahe nei no te haapohuè ia mātou. |
(E Ietu)
Hīmene haahuaèkaèka : JÉSUS, SOIS LE CENTRE
1 Jésus, sois le Centre, Sois ma Lumière, Sois ma Source, Jésus. |
Refrain Sois le Feu dans mon Cœur, Sois le Vent dans ses voiles, Sois la Raison de ma vie, Jésus, Jésus. |
||
2 Jésus, sois le Centre, Sois mon Espoir, Sois mon Chant, Jésus. |
3 Jésus, sois ma Vision, Sois mon Chemin, Sois mon Guide, Jésus. |
PAHIÌA : 203. O ÒE TO Ù ÒNA KUI TĀHIA E
O Òe to ù òna kui tāhia e, Matavaa no ù, Me i te â, me i te pō. O Òe to ù hīa, to ù pohuè. Maria e, to ù òna kui tāhia e. |
Je suis là, devant toi Maman Marie, Lumière dans nos vies et nos familles, Tu es l’espérance dans nos vies, Oh ! Marie / Oh ! Marie, Aide-moi (bis), Maman Marie. |
TOMINIKA E ÌMA O TE AVA MA TE ÈHUA
TATAUÌA O TE HĀMANI A IOPE 7, 1-4 6-7
1 Oia nei te tekao a Iope : « Tiàtohu nui,
te pohuè o te ènana io he henua,
u hakatu me to te tueni viitoiìa no te hana toko.
Ua hana haapaòpaò pu īa me i te pōpōuì tihe atu i te pō.
2 Me he mea a te tueni e kōhoà nei i te hakaēa io he vahi maù,
hakatu me te ènana hana e tiaki aa i ta īa moni hana,
3 atii me au nei. I tēia meàma, tēia meàma
e aha te mea i koàka mai ? He metaki anaè.
U matakaù au i te pō mēìa i te mamae.
4 Ia moe au, u peàu : Meitaì atu e vaa hakaùa au.
E òa, òa oko te pō.
U moemoe au i te tau moemoeā hauhau, tihe atu i te pōpōuì.
6 E pao vave to ù tau â,
tōtahi atu te vaveìa i to te aho
e vevete me i te ìma o te ènana àvaika.
Ia pao te aho, u hakaēa te òa o to ù pohuèìa.
7 E te Hatu e, a maakau Òe :
me he pūhea metaki anaè to ù pohuèìa.
Ia pao hua pohuè, aòè au e ìte hakaùa i te koakoa. »
TARAMO 147A (146) 1.3,4-5,6-7
A haameitaì i te Hatu te i hāika i to tātou tau maki. cf. 147,3
1 U hei nui te haakāìè i to tātou Etua.
U toitoi noa te hīmene me te hahi ia Īa.
3 U haameitaì Īa i te menava o te poì uēuē.
U hāika te Hatu i to âtou tau maki.
4 U tatau te Hatu i te nuiìa o te hetū.
Ua apa Īa i te ikoa e hei i tītahi, i tītahi.
5 U tiketike, ua mana nui to tātou Hatu.
U te e vivini e tahi ènana i to Īa māàma.
6 U haatiketike te Hatu i te poì haapāpaku.
U haanuhe Īa io he tuaèpo i te tau ènana mākaka.
7 A kāhua ôtou i te hīmene haahuaèkaèka i te Hatu.
A haataki i te kitā no te hahi i to tātou Etua.
TATAUÌA O TO MUA HĀMANI A PAURO PEÀTO I TO KORINETIA 9, 16-19.22-23
E tu ù tau tuàne tuehine.
16 E aha à e hakako au i te Evanerio, u te e haakāìè pu au.
Ua tukuìa mai hua hana e te Etua.
Aòè e koàka ia ù te haakoè.
He ènana pē au nei no to ù haamevaha koè i te Evanerio.
17 Me he mea u hana au i hua hana na ù ta ù anaè,
e koàka mai hoì ia ù te tuki meitaì.
Atià, u te e hana au i tēnei hana na ù ta ù.
Na te Etua i vae mai no te hana.
18 No èià, e aha te tuki i koàka mai ia ù ?
Oia nei te koakoa o te hakako pu i te Evanerio.
Aòè au i hano i te tuki e hei ia ù
no te hakaìte atu i te Evanerio.
19 Ua hana au na ù ta ù.
U te e tueni au i tītahi ènana kē.
Atià, u haaìò au iho he tueni no te tau ènana paotū,
vāàna e hua mai io te Hatu te nuiìa o te ènana.
22 U haaìò au he ènana haatià iti,
hakatu me te poì haatià iti,
vāàna te haahua mai io te Etua te poì haatià iti.
U haaìò au hakatu me te tau ènana kē, ènana kē paotū,
vāàna e hua mai tahipito io te Hatu.
23 To ù tau hana paotū i hanaìa i uē i te Evanerio,
etià e àva atu me au i to te Evanerio tau taetae.
ALLELUIA ALLELUIA
cf. Mt.8,17
« Ua too Ietu i to tātou pepae.
U haakoè Īa i to tātou tau mate. »
EVANERIO O IETU KIRITO VĀÀNA E MAREKO 1, 29-39
I tēia mou pō,
29 ua uu Ietu me to Īa tau kouâ i vaho o te tinakoka
me to âtou taha atu io te haè o Timone me Aterea.
Enā me âtou Iakopo me Ioane.
30 Ua moe te motuòai vehine a Timone,
ua hemo i te mate hautete.
U peàu ponihoo âtou ia Ietu e aha to īa.
31 U haatata mai Ietu me to Īa too ma te ìma o hua vehine
no te hakatū ia īa. Ua koè anamai te hautete.
U tāvini atu te vehine ia âtou.
32 I te ahiahi, ia kaò te òumati, u aahiìa mai
te poì hōpī paotū me te tau ènana uuìa e te kuhane ìno.
33 U haamuimui mai te tiàtohu o te pāpuahaè
i mua te avaputa o te haè i èià ua noho Ietu.
34 U haameitaì Īa i te nuiìa o te poì mate,
mate kē to tēnei, mate kē to tēia.
Ua tute Īa i te nuiìa o te tiaporo.
Aòè Ietu i ao e pohā to âtou èo,
na te mea ua ìte âtou o ai Īa.
35 I te hāhakateiao, ua vaa Ietu.
Ua uu Īa i vaho me te hee io he vahi viviiō.
I èià, ua pure Īa.
36 O Timone me to īa tau hoa, ua hano e ùmihi atu ia Ietu.
37 U koàka ia âtou Ietu me to âtou peàu atu :
« Ua ùmihi te tau ènana paotū ia Òe. »
38 U peàu Ietu ia âtou :
« A hee tātou i vahi kē, io te tau pāpuahaè tata mai,
etià me i èià, e hakaìte atu au i te tekao.
Oia hoì te tumu i uu ai au i vaho. »
39 Ua hee Ietu me to Īa hakako i te tekao
i òto o to âtou tau tinakoka, i te Henua Karirea vii pu.
Ua tūtē atu Īa i te tau tiaporo.