TOMINIKA E ONO O TE AVA MA TE ÈHUA
(Â tapu 11 no Uaoa 2024)
TOMOÌA : G.10
1 |
Mōumu |
2 |
||||
|
. |
|||||
E te Hatu e
TARAMO 102 (101) : Umoì Òe, e Ietu, umoì Òe e titii i te poì uēuē.
Kio Vānana : Ua tū tītahi peroheta kaùoo i vāveka o tātou, U haameitaì te Etua i to Īa mataèinaa.
Pure a te poì haatià : No to Òe kāòha ia mātou, e te Hatu e, a hakaòko mai Òe i to mātou pure. Apuu mai me te moû.
ÙTUNA : A.17
1 |
Mōumu |
2 |
3 E te Etua Motua e, / A tiòhi mai Òe
I te toto mana oko / o to Tama, o Ietu !
Peàto
Haamaakauìa : Te kāìè ia Òe, e te Hatu e, te i mate nui, te pohuè ; A tihe mai, e Ietu ; a tihe mai, e Ietu.
To mātou Motua e…. / Àrenio
KŌMŌNIŌ : D.36
1 I te kaiìa mau Eukaritia. 2 To mateìa i ùka o te peka. |
Mōumu A too, a kai mai ôtou paotū, Mōumu A too, a inu mai ôtou paotū, |
Hīmene haahuaèkaèka : C.12
1 |
2 |
3 A hahi, a kāìè ananu |
Te hahi, te kāìè |
PAHIÌA : V.86
E Maria e (bis) Ua ìò ta ù korona (ta ù korona) E vii nei i òto o to ù nei ìma E hei pure i mua i to Òe aò. |
Mōumu Ia kāòha au (bis) i ta ù (bis) Korona (i ta ù korona) Ia pure au (bis) i ta ù (bis) Miterio (i tau miterio) No te mea e pure mana te Rotario. |
TOMINIKA E ONO O TE AVA MA TE ÈHUA
TATAUÌA O TE HĀMANI A MOITE PEÀUÌA REVITA
13, 1-2.45-46.
1 U peàu te Etua ia Moite me to īa teina Aarone, pēènei :
2 « Ia ìteìa i ùka o te kii o te ènana
te uto, te huhuà, akoè à te patapata,
hakatu me he mate mohoi, e aahiìa hua ènana
io Aarone te tāuà, akoè à io tītahi tāuà o to īa ati.
45 Te ènana i hemo i te mate mohoi,
e haauhiìa me te tau kahu pēpē, tutuiva.
Aòè e paèhuìa to īa òuoho,
e pāìa to īa mata me te tapa,
e taha īa e taaàu aa : « Tapu, tapu. »
46 Ua tapu hoì hua ènana hemo i hua mate.
A noho īa io he vahi kē ananu ;
ma vaho o te pāpuahaè to īa nohoìa.
TARAMO 102 (101) 2-3ab, 4-5, 6-13, 20-21
Umoì Òe, e Ietu, umoì Òe e titii i te poì uēuē.
2 E te Hatu e, a hakaòko i ta ù pure,
A apuu i to ù èo taaàu io Òe.
3 I te â e haauēuē mai te tau kōhii,
Umoì Òe e mata koè ia ù.
4 Me he auahi io te metaki, ua koè to ù tau â.
U veàveà to ù tau ivi me he kaahuahi.
5 Me he èitā moô, u pororō to ù nino.
U te e kākī au e kai i ta ù oà.
6 Mēìa i to ù uēuē oatea te pō,
U pipii to ù kii me te ivi.
13 E te Hatu e, e mau paona koè to Òe hakaìkiìa.
E haamamaakauìa Òe e te tau ènana hakatahi.
20 Ua oha te Hatu me io to Īa Hiero tapu,
Me io he àki i ùka nui, u tiòhi te Hatu i te henua.
21 Ua òko Īa i te uēuē o te poì humuìa,
U vevete Īa i te tau ènana, oa haamateìa âtou.
TATAUÌA O TO MUA HĀMANI A PAURO PEÀTO I TO KORINETIA 10, 31-33 ; 11,1
E tu ù tau tuàne tuehine.
31 No èià, ia kai, ia inu, ia hana i te tau hana kē, hana kē,
ananu, a hano ôtou no te haakāìè i te Etua.
32 Umoì ôtou e hakapahi i te pē ma to ôtou hakatu pohuè,
i te tau ati Iuta, akoè à i te tau êteni,
akoè à i te Èkaretia o te Etua.
33 O au iho, ua hano au e haaèka i te tau ènana hakatahi
i òto o ta ù tau hana paotū.
Aòè au e hana no to ù meitaì anaè,
atià no te meitaì o te nuiìa o te ènana,
vāàna e haapohuèìa âtou paotū.
1 A hana ôtou hakatu me ta ù nei,
me he mea u hana au hakatu me ta Ietu Kirito.
ALLELUIA ALLELUIA
Rk .7,16
Ua tū tītahi peroheta kaùoo i vāveka o tātou,
U haameitaì te Etua i to Īa mataèinaa.
EVANERIO O IETU KIRITO VĀÀNA E MAREKO 1, 40-45.
I tēia mou pō,
40 Ua tihe io Ietu tītahi ènana mohoi.
Ua noho muò me to īa vavaò ia Ietu, e peàu aa :
« Me he mea u makimaki Òe,
e koàka ia Òe te haataìtaì ia ù. »
41 U mehea Ietu. U hohoà Īa i te ìma
me te haatukia i te ènana mohoi, e peàu aa :
« U makimaki au. A taìtaì òe ! »
42 Ua koè anamai to īa mate mohoi. U taìtaì te kii.
43 E oonaki aa Ietu ia īa, u titii me te peàu :
44 « Umoì òe e haki atu i te ènana e tahi.
Atià, a taha atu me te hakaìte ia òe i te tāuà.
A ùtuna òe i te mea i peàuìa e Moite,
no to òe haataìtaììa ; e mea haatiàtohu no âtou. »
45 Atià, ua hee hua ènana i vaho
me to īa hakaìte me te haamevaha i te tekao hou.
No èià, aòè i koàka ia Ietu te tomo i òto o te pāpuahaè
ia tiòhi mai te tau ènana ia Īa.
Ua noho hoì Īa i vaho io he tau vahi viviiō.
Me i te tau vahi paotū, u titihe mai te tau ènana io Ietu.