*- Moenahu (Dordillon, tapa hāmani 188-I), papatohua (D, th 216-I).

Ma nā tai kākiu, u haahanaìa hua ponatekao e ùa e tekao ana no tītahi memau, tītahi tekao i avai pū ìa, i kaò, a koè à i haatuhaèìa. Te toitoiìa, mea nui te ponatekao kanahau pao i kaò i tēnei, mea moenahu âtou. Te ponatekao papatohua, e hakatu tahi me moenahu.

I Nukuhiva, ia ape atu au i tītahi hoa e aha te haaviviniìa o « moenahu », u peàu mai âtou « Haahakatu me << moèhu >> ». Ua teka âtou na te mea mea kē ananu te haaviviniìa. Ma he èo farani, « moèhu = banni, exilé, proscrit, prisonnier de guerre, esclave » (Dordillon, th 188-I). Mea kē ananu !

To ù maakau, mei io te ponatekao tahiti « mo’e = kaòìa, tuhaèìa » to âtou teka…

E aha to ôtou maakau ?

Patuìa e Jacques Iakopo Pelleau