Le site de partage de la langue marquisienne
Te tohua niutavavā hou mea àva atu àva mai i te èo ènana
The new site for sharing the Marquesan language

Vue de la plage Vainaho et du Fort Collet, Taiohae, Nuku Hiva. René Gillotin, 1844.

E AHA TE AUTĀ ?

                                                      air0   air1


No te haahōhonu i to tātou ìte i ùka o hua ponatekao « autā », a tiòhi tātou i òto o te mou kāputuèo i koàka ia tātou.


No âtou paotū, e tekao ana no te autā metaki ta tātou e haù nei. Oia hoì « l’air, le souffle d’air » ma he èo farani.

Ia tāpiiìa te ponatekao « autā » me tītahi ponatekao , e koàka ia tātou te mou haaviviniìa .


1) - I òto o te mou kāputuèo a mou èpikopo e ùa, ua ìò te ponatekao « atmosphère » « te autā àki/àni ».

No te Haè tuhuka èo ènana à, ua ìò « te autā metaki/metani ». Ua vae atii te tau tuhuka i te avetekao « te autā metaki/metani tiketike » mea huì mai i te ponatekao « stratosphère ».


2) - Tōtahi atu, ua vae te Haè tuhuka èo ènana i te mou ponatekao ma hope mai mea haavivini i te tau autā hakatu , hakatu kē.

*- Ua ìò te « oxygène » « te autāpōhuè/te autāpōhoè ».

*- Ua ìò te « hydrogène » « te autāvai ».

*- Ua ìò te « gaz carbonique » « te autāpē ».

*- Ua ìò te « gaz néon » « te autāàma ».

*- Te autāuà à, oia te mea ta tātou e haahana nei i òto o ta tātou tau umu mea haaveàveà i te kaikai me te vai.


3) - Enā atii te autā haha me i òto mai o to tātou tau haha ; o te « haleine » ma he èo farani.

I òto o te uaina ta tātou e inu nei, enā te vai puku vino, te mānini me te namu. O te autā namu te ìi o te uaina, o te autā namu te o te uaina. Me makimaki òe e ìte i hua ìi, e haahakatu òmua òe i te « kutaù namu » oia hoì te pāheeka namu i òto ; « l’alcoolémie/le taux d’alcoolémie » ma he èo farani.


4) - U tukuìa te ponatekao « autā » mea haaèo mai i te ponatekao « vapeur », oia hoì te autā ta tātou e puhi nei ia kamaìi oko te autā metaki vii pu o tātou.

No te « cuisine-vapeur », mea kē à ; o « nunu hitā » me « nunu hānia » te mou ponatekao e ùa i vaeìa e te tau tuhuka èo.

U apaìa « tī » te tau ihepe e haahana i ta âtou maihini me te kaahu ; o « steamer » ma he èo peketane, o « navire à vapeur » ma he èo farani.


Patuìa e Jacques Iakopo Pelleau i 2015

U haatoitoiìa te patuhei vāàna i te tau aahiìa a te Haè tuhuka èo ènana i te 22/08/2022.
(Aua te tau ponatekao me i òto mai o te tau kōtūòmia me te tau kāputuèo kākiu)

 

Comments est propulsé par CComment